قاسىم-جومارت توقاەۆقا جايىق وزەنىندەگى سۋ دەڭگەيىنىڭ تومەندەۋى, ءوڭىردىڭ ەنەرگياعا تاۋەلدىلىگى جانە جەرگىلىكتى جولداردىڭ جاعدايى سياقتى وبلىستاعى نەگىزگى ماسەلەلەر تۋرالى مالىمەت بەرىلدى. مەملەكەت باسشىسى باتىس قازاقستان وبلىسىنىڭ اكىمىنە ۇكىمەتپەن بىرلەسە وتىرىپ, اتالعان پروبلەمالاردى شەشۋدى تاپسىردى.
قاسىم-جومارت توقاەۆ ەتتى مال شارۋاشىلىعىن دامىتۋ جانە وسى باعىتقا عىلىمي تۇرعىدان باسا ءمان بەرۋ, مۇناي مەن گاز وندىرۋگە قاتىسى جوق سالاعا تارتىلاتىن ينۆەستيتسيانى ۇلعايتۋ, ونەركاسىپتى ءارتاراپتاندىرۋ, سونداي-اق وڭدەۋ سەكتورىنىڭ ءوندىرىسىن ارتتىرۋ جونىندە عالي ەسقاليەۆتىڭ الدىنا بىرقاتار مىندەت قويدى.
مەملەكەت باسشىسى جۇمىسسىز جانە ءوزىن ءوزى جۇمىسپەن قامتىعان ازاماتتاردى ەكونوميكالىق قىزمەتكە تارتۋدى جالعاستىرۋعا, سونىمەن قاتار ايماقتاعى ءۇش اۋىسىمدى جانە اپاتتى جاعدايداعى مەكتەپتەرگە قاتىستى ماسەلەلەردى تۇبەگەيلى شەشۋگە تاپسىرما بەردى.
