ەلوردا • 29 قىركۇيەك، 2020

كارانتين ءتارتىبىن بۇزعان ەلوردالىق تۇنگى كلۋبقا ايىپپۇل سالىندى

5 رەت كورسەتىلدى

نۇر-سۇلتاننىڭ باس سانيتارلىق دارىگەرى قالا تۇرعىندارىن سانيتاريا تالاپتارىن ساقتاۋعا شاقىردى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

ەلوردادا كارانتين ءتارتىبىن ەڭ ورەسكەل بۇزۋشىلار – تاماقتانۋ ورىندارى مەن ويىن-ساۋىق مەكەمەلەرىنىڭ يەلەرى. بۇل تۋرالى بريفينگ بارىسىندا نۇر-سۇلتاننىڭ باس مەملەكەتتىك سانيتارلىق دارىگەرى جاننا پىراليەۆا ايتتى.

«كاسىپكەرلىك سۋبەكتىلەرى اراسىندا كارانتين رەجيمىن ەلەمەي، بىرنەشە رەت بۇزۋشىلار بار. مىسالى، ەسىل اۋدانى، تۇران داڭعىلى، 2-دە ورنالاسقان Auraclub Alanya جازعى كافەسى بار تۇنگى كلۋب شەكتەۋ جانە كارانتين شارالارىن بۇزعانى ءۇشىن سەگىز رەت اكىمشىلىك جاۋاپكەرشىلىككە تارتىلدى. اتاپ ايتقاندا بەلگىلەنگەن جۇمىس ۋاقىتىن، ماسكا تاعۋ ءتارتىبىن، الەۋمەتتىك قاشىقتىق ساقتاماعانى جانە تۇنگى كلۋب پەن كاراوكە بولمەلەرىنە تىيىم سالىنعانىنا قاراماستان جۇمىسىن جۇزەگە اسىرعانى ءۇشىن»، – دەيدى جاننا پىراليەۆا.

ماماندار ەپيدەميالىق احۋال جازداعىمەن سالىستىرعاندا تۇراقتالعانىمەن، ۆيرۋس قاۋپى ءالى جوعارى ەكەنىن ايتادى. بۇگىندە نۇر-سۇلتاندا كۇن سايىن ۇشتەن جيىرماعا دەيىن كۆي اۋرۋى تىركەلۋدە.

«قالا تۇرعىندارى مەن قوناقتارىن سانيتاريا ەرەجەلەرىن ساقتاۋعا شاقىرامىن، ويتكەنى ۆيرۋس قاۋپى ءالى دە بار. بۇكىل الەمدەگى كۆي ەپيدەميالىق جاعدايىن ەسكەرۋ قاجەت. الداعى ەپيدەميالىق ماۋسىمدا تۇماۋعا قارسى ەكپە جاساۋ، يممۋنيتەتتى نىعايتۋ، جىلى كيىنۋ، سىرقاتتانعان جاعدايدا ءوز بەتىنشە ەمدەلمەي، دەرەۋ دارىگەردىڭ كومەگىنە جۇگىنۋ كەرەك»، – دەدى ەلوردانىڭ باس مەملەكەتتىك سانيتارلىق دارىگەرى.

ماماندار ەگەر تۇرعىندار سانيتاريا ەرەجەلەرىنە نەمقۇرايلى قاراي بەرسە، جاعداي ۋشىعۋى مۇمكىن ەكەنىن ەسكەرتەدى.

ايتا كەتۋ كەرەك، تىركەلگەن بارلىق كۆي جۇقتىرۋ جاعدايىنىڭ 4،2%-ى، ياعني 594-ءى 14 جاسقا دەيىنگى بالالار. سونداي-اق 15-تەن 17 جاسقا دەيىنگى 75 ءجاسوسپىرىم ىندەت جۇقتىردى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار