ەلوردا • 29 قىركۇيەك، 2020

ەلوردادا بانك كارتالارىمەن جولاقىسىن تولەۋدىڭ تاعى ءبىر جۇيەسى سىنالىپ جاتىر

12 رەت كورسەتىلدى

№20 باعىتتا كەز كەلگەن ەكىنشى دەڭگەيدەگى بانك كارتاسىمەن تولەۋدىڭ پيلوتتىق جوباسى ىسكە قوسىلدى. بۇل تولەم جۇيەسى تەست رەجيمىندە جۇزەگە اسىرىلادى جانە شامامەن ءبىر ايعا سوزىلادى، دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.

VISA جانە Mastercard كارتالارى، سونداي-اق NFC جۇيەسىمەن جابدىقتالعان سمارتفون ارقىلى تولەم جاساۋعا بولادى. ترانزاكتسيا ءۇشىن ولاردى ۆاليداتوردىڭ جانىندا ورنالاسقان ارنايى تەرمينالعا تيگىزۋ جەتكىلىكتى. قاجەت بولعان جاعدايدا جولاۋشى ەلەكتروندى بيلەتتى smsbus.kz سايتىنان الا الادى. ۆاليداتور ەكرانىندا مەملەكەتتىك جانە ورىس تىلدەرىندە ەلەكتروندىق بيلەتتى الۋعا سىلتەمەلەر كورسەتىلگەن.

ەستەرىڭىزگە سالا كەتەيىك، بانك كارتاسىمەن تولەۋ كەزىندە جول ءجۇرۋ قۇنى 90 تەڭگەنى قۇرايدى.

ايتا كەتۋ كەرەك، قازىرگى جولاۋشىلار اعىنى جاسايتىن 400 مىڭنان استام ساپارى كەزىندە جول اقىسىن بانك كارتاسى بايلانىستىرىلعان ءموبيلدى قوسىمشالار ارقىلى تولەۋدىڭ بالاما ادىستەرىن قولدانۋدىڭ ءوسۋى بايقالادى جانە بۇل ۇلەس جالپى اينالىمنىڭ 20% قۇرايدى. بولاشاقتا بۇل ءۇردىس CTS-كە بانك كارتالارىنان تىكەلەي تولەم قابىلداۋ مۇمكىندىگىمەن ونلاين رەجيمىنە كوشۋ مىندەتىن قويادى. وسى ماقساتتاردى جۇزەگە اسىرۋ ءۇشىن CTS كومپانياسى بۇرىن بانك كارتالارىمەن تولەم قابىلداۋ بويىنشا ەكى پيلوتتىق جوبانى جۇرگىزدى. بۇل پيلوتتىق جوبالار – تولىققاندى قوسۋ الدىندا بارلىق باعىتتاردا ءارتۇرلى ۆاليداتورلار مەن جۇيەلەردى تەكسەرۋگە مۇمكىندىك بەرەدى

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار