قوعام • 29 قىركۇيەك، 2020

قازاقستاندا 16 مىڭنان استام ميگرانت جۇمىس ىستەپ ءجۇر

18 رەت كورسەتىلدى

قازاقستاندا 16 مىڭنان استام شەتەلدىك ازامات جۇمىس ىستەپ ءجۇر، دەپ حابارلايدى Egemen.kz ەڭبەك مينيسترلىگىنە سىلتەمە جاساپ. 

2020 جىلدىڭ 1 قىركۇيەگىندەگى جاعداي بويىنشا قازاقستاندا شەتەلدىك جۇمىس كۇشىن (بۇدان ءارى – شجك) تارتۋعا 16 مىڭ 378 رۇقسات قولدانىستا.

ونىڭ 637-ءسى ءبىرىنشى ساناتقا (باسشىلار مەن ولاردىڭ ورىنباسارلارى)، 3481-ءى ەكىنشى ساناتقا (قۇرىلىمدىق بولىمشەلەردىڭ باسشىلارى) بەرىلگەن. شجك تارتۋعا ارنالعان رۇقساتتاردىڭ باسىم بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا قاتىستى بولىپ وتىر. تيىسىنشە 7617 ادام جانە 1153 ادام. سونداي-اق ماۋسىمدىق جۇمىستارعا 1792، كورپوراتيۆىشىلىك اۋىستىرۋ شەڭبەرىندە 1698 ادام تارتىلعان.

قازىرگى ۋاقىتتا قازاقستاندا شجك تارتاتىن 1803 جۇمىس بەرۋشى بار. ولاردا 454 379 مىڭعا جۋىق قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 96%-ىن قۇرايدى.

ەڭبەك ميگرانتتارىنىڭ نەگىزگى شىققان ەلدەرى: قىتاي 3579 ادام، وزبەكستان 1774، تۇركيا 1 661، ءۇندىستان 1266 جانە ۇلىبريتانيا 1081.

ەسكە سالا كەتەيىك، ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا كۆوتا بەلگىلەيدى.

2020 جىلعا شجك تارتۋعا كۆوتا رەسپۋبليكانىڭ ەكونوميكالىق بەلسەندى تۇرعىندارىنىڭ 0،32% -ى مولشەرىندە (شامامەن 29،3 مىڭ ادام) بەلگىلەندى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار