ەلىمىزدە توتەنشە جاعداي جاريالانعان العاشقى كۇننەن باستاپ قىلمىستىق-اتقارۋ جۇيەسى دەپارتامەنتى سوتتالعاندار اراسىندا COVID-19 ىندەتىن تاراتپاۋ بويىنشا الدىن الۋ شارالارىن قابىلدادى. مەكەمەلەردە سانيتارلىق-دەزينفەكتسيالىق رەجىم ساقتالىپ, ءبىرىنشى كەزەكتە سوتتالعانداردىڭ ءومىرى مەن دەنساۋلىعىن قورعاۋ ءۇشىن بارلىق الدىن الۋ شارالارى الگوريتمگە سايكەس قاتاڭ تۇردە جۇزەگە اسىرىلدى.
«قازىرگى تاڭدا ىندەتتىڭ ەكىنشى كەزەڭى كۇتىلۋىنە بايلانىستى وبلىستاعى ءتيىستى ورگاندارمەن سوتتالعاندار اراسىندا جەدەل رەسپيراتورلى ۆيرۋستى ينفەكتسيالار مەن كوروناۆيرۋستىق ينفەكتسيالاردىڭ تارالۋىن بولدىرماۋعا جانە الدىن الۋعا باعىتتالعان بىرلەسكەن ءىس-شارالار جوسپارى بەكىتىلدى. وسى جوسپار نەگىزىندە قازىرگى تاڭدا ءتيىستى بىرقاتار جۇمىس اتقارىلدى. ناتيجەسىندە, وبلىستىق قوعامدىق دەنساۋلىق ساقتاۋ باسقارماسىنان سوتتالعانداردىڭ يممۋنيتەتتەرىن نىعايتۋ مەن COVID-19 ىندەتىنىڭ الدىن الۋ ماقساتىندا قىزۋدى, قاقىرىقتى تۇسىرۋگە ارنالعان دارىلەر, ينفەكتسيانىڭ الدىن الۋعا ارنالعان انتيبيوتيكتەر مەن يممۋنيتەتتى كوتەرۋگە ارنالعان دارۋمەندەر بەرىلدى», دەيدى قاج دەپارتامەنتىنىڭ سانيتار-دارىگەرى ايدانا مەلسقىزى.
بۇعان دەيىن دە تۇركىستان وبلىسى اكىمدىگىنىڭ قولداۋىمەن سوتتالعاندارعا ءبىر رەتتىك 1 مىڭ دانا قولعاپ پەن 2 مىڭ دانا بەتپەردە بەرىلدى.
