ء«ىس-شارا #Birgemiz اكتسياسىن قولداۋ ماقساتىندا جۇرگىزىلىپ وتىر. ۆولونتەرلەر كوروناۆيرۋس ينفەكتسياسىنىڭ قاۋپى مەن سالاماتتى ءومىر سالتىن ناسيحاتتاۋ ءۇشىن جولاۋشىلار پويىزدارى مەن تەمىر جول ۆوكزالدارىنا كەلۋشىلەرگە ماسكا تاراتىپ, سونداي-اق كارانتينگە بايلانىستى ەنگىزىلگەن شەكتەۋلەرگە تۇسىندىرمە جۇمىستارىن جۇرگىزدى. ولار بەتپەردەنى تەك ءۇي-جايلاردا عانا ەمەس كوشەدە دە مىندەتتى تۇردە تاعۋدىڭ ماڭىزدىلىعى تۋرالى ايتتى», دەدى دەپارتامەنت باستىعىنىڭ ورىنباسارى ابزال جۇماتاەۆ.
بۇگىندە كۇنى ەلىمىزدىڭ بارلىق وڭىرىندە كارانتيندىك ءىس-شارالار ەنگىزىلگەنى بەلگىلى. سوندىقتان ادامدار كوپ جينالاتىن اۋە جانە تەمىر جول وبەكتىلەرىندە دە سانيتارلىق-گيگيەنالىق تالاپتاردى ساقتاۋ وتە ماڭىزدى.
ابزال جۇماتاەۆتىڭ ايتۋىنشا, كولىك پوليتسەيلەرى وزدەرىنىڭ نەگىزگى مىندەتتەرىنە قوسا ازاماتتاردىڭ دەنساۋلىعىنا قامقورلىق كورسەتۋدى دە ماقسات تۇتادى. وعان وسى وتكىزىپ جاتقان ءىس-شارالار دالەل بولادى.
«نۇر-سۇلتان-1» ستانساسىندا ا.جۇماتاەۆ جەكە قۇراممەن جانە ۆولونتەرلەرمەن كەزدەسىپ, جۇمىستىڭ باسىم باعىتتارىن ايقىندادى. بۇدان سوڭ «قاراعاندى – قوستاناي», «جەزقازعان – نۇر-سۇلتان», «الماتى – قوستاناي» جانە «نۇر-سۇلتان – پاۆلودار» باعىتتارىنداعى جولاۋشىلار پويىزدارىنىڭ كەلىپ-كەتۋى كەزىندە جولاۋشىلارعا قورعانىس بەتپەردەلەرى مەن پروفيلاكتيكالىق سيپاتتاعى جادىنامالار تاراتىلدى.
ۆولونتەرلەر دەپارتامەنت ۇيىمداستىراتىن اكتسيالارعا ۇدايى قاتىسىپ وتىراتىنىن ايتتى. ولار بۇل جۇمىسقا ءوز ەركىمەن جۇمىلۋدا. جاستار قوعامعا قولۇشىن بەرۋدى ءار ازاماتتىڭ پارىزى دەپ بىلەتىنىن جەتكىزدى.
ال جولاۋشىلار ءوز كەزەگىندە ءتارتىپ ساقشىلارىنا ريزاشىلىعىن ءبىلدىردى. ولار وسىنداي الماعايىپ كەزەڭدە ەرەكشە كوڭىل ءبولىپ تەگىن بەتپەردە تاراتقان پوليتسەيلەردىڭ قامقورلىعىن جوعارى باعالاپ, ولاردىڭ قيىن دا جاۋاپتى قىزمەتتەرىنە العىس ايتىپ, تابىس تىلەدى.
شارا بارىسىندا ازاماتتاردىڭ كوپشىلىگى قورعانىس بەتپەردەلەرىن تاعۋعا اسا جاۋاپكەرشىلىكپەن قارايتىنىن كورسەتتى.
«اكتسيا كەزىندە كولىك پوليتسەيلەرى جولاۋشىلارعا 500 مەديتسينالىق قورعانىس بەتپەردەسىن تاراتتى. ءتارتىپ ساقشىلارى الداعى ۋاقىتتا وسى باعىتتاعى جۇمىستى جالعاستىراتىن بولادى», دەدى پوليتسيا پولكوۆنيگى.
كولىك پوليتسياسى قىزمەتكەرلەرى وسىنداي اكتسيالاردى جۇيەلى تۇردە ۇيىمداستىرماق. ماسەلەن, بيىل تامىز ايىنىڭ اياعىندا نۇر-سۇلتان ستانساسىندا ەرىكتىلەرمەن بىرلەسە وتىرىپ, 1500 بەتپەردە تاراتىلعان بولاتىن. بۇگىنگە دەيىن پوليتسەيلەر 2 مىڭعا جۋىق مەديتسينالىق بەتپەردە تاراتتى.
