وسى تەحرەگلامەنتتەر ەۋرازيالىق ەكونوميكالىق وداق ەلدەرىندەگى تەمىر جول كولىگىنىڭ جانە ونىڭ ينفراقۇرىلىمىنىڭ, ونىڭ ىشىندە لوكوموتيۆتەردىڭ, جولاۋشىلار جانە جۇك ۆاگوندارىنىڭ, تەمىر جول پلاتفورمالارى مەن ستانسالارىنىڭ قاۋىپسىزدىگى ماسەلەلەرىن رەتتەيدى.
قۇجاتتى ازىرلەۋ 4 جىلدان استام ۋاقىت بويى جۇرگىزىلىپ كەلەدى. وزگەرىستەر جوباسىندا سايكەستىكتى راستاۋعا جاتاتىن جىلجىمالى قۇرامنىڭ قۇرامداس بولىكتەرىنىڭ تىزبەلەرىنە, ۇعىمدىق اپپاراتقا وزگەرىستەر ەنگىزۋ كوزدەلەدى, سايكەستىكتى راستاۋ جونىندەگى جۇمىستاردى جۇرگىزۋ تالاپتارى مەن راسىمدەرى ناقتىلانادى.
قۇجات قوعامدىق تالقىلاۋدان, مەملەكەتىشىلىك كەلىسۋ راسىمدەرىنەن ءوتتى جانە جوعارى دايىندىق دەڭگەيىندە.
قازىرگى ۋاقىتتا ەاەو-عا مۇشە مەملەكەتتەردىڭ اۋماعىندا جىلجىمالى قۇرامدى جانە (نەمەسە) ونىڭ قۇرامداس بولىكتەرىن كەدەرگىسىز پايدالانۋدى قامتاماسىز ەتۋگە باعىتتالعان 3 ماسەلە شەشىلمەگەن كۇيىندە قالىپ وتىر.
بۇل تۇزەتۋلەر ۆاگونداردى جاڭارتۋ كەزىندە داۋلى ماسەلەلەردى شەشۋگە, كەيىننەن ۆاگونداردىڭ قىزمەت ەتۋ مەرزىمىن ۇزارتۋعا, قوسالقى بولشەكتەردى اكەلۋگە, سايكەستىكتى باعالاۋدان وتۋگە مۇمكىندىك بەرەدى. مىسالى, كۇردەلى جوندەۋدەن وتكەن ۆاگونداردىڭ رەسەي فەدەراتسياسىنا كىرۋ مۇمكىندىگى بولىگىندە.
قازاقستان, ارميان, بەلارۋس جانە قىرعىز تاراپتارى جوعارىدا اتالعان ۇسىنىستاردى كەلىستى, ال رەسەي فەدەراتسياسى قارسى.
وسىعان بايلانىستى, تاراپتاردىڭ ءوزارا ءتيىمدى شەشىمدەردى ىزدەۋ بويىنشا كونسۋلتاتسيالارى جالعاسۋدا.
