ولكەتانۋشى پاۆەل جۋكوۆتىڭ ايتۋىنشا, ميلليونداعان جىل بۇرىن قازاقستان جەرىن "ەجەلگى تەتيس مۇحيتى" دەپ اتالاتىن تەڭىز تولقىندارى شايعان. ول زاماندا ماتەريكتەردىڭ ورنالاسۋى باسقانشا ەدى. جەر قاباتتارىنىڭ قوزعالىسى مۇحيت تەرەڭدىگى مەن جاعالاۋدىڭ سۇلباسىن وزگەرتكەندىكتەن, سونداعى وسىمدىكتەر سۋعا ءتۇسىپ كەتكەن. 
"بيولوگيالىق قالدىقتار ءار ءتۇرلى مينەرالدى تۇزداردىڭ شوعىرلانۋ ورتالىعىنا اينالدى. قاباتتار كوتەرىلىپ, مۇحيت كەتكەننەن كەيىن, قازىر ءبىز تۇرعان اۋماق شوگىندى جىنىستاردىڭ ورتالىعى بولعان. وسى ءوڭىردىڭ كوپ بولىگىن سارى, سارعىش شوگىندى جىنىستار الىپ جاتقانىن كوردىك. بۇل - تەمىر تۇزى. بىراق كەيبىر اعاش دىڭدەرى تۇرعان جەردە مارگانەتس تۇزى شوعىرلانعان. ولار تۇسىمەن, قۇرامىمەن جانە سىرتقى تۇرىمەن ەرەكشەلەنەدى. پايىمداۋىمىزشا, ءبىز مارگانەتس تۇزى شوعىرلانعان ەجەلگى اعاشتاردىڭ قالدىقتارىن تاپتىق", دەدى پ.جۋكوۆ.
