پارلامەنت • 27 قىركۇيەك، 2020

سەناتورلار شىعىس قازاقستان وبلىسىنا جۇمىس ساپارىمەن باردى

272 رەت كورسەتىلدى

سەناتتىڭ الەۋمەتتىك-مادەني دامۋ جانە عىلىم كوميتەتىنىڭ سەناتورلار توبى شىعىس قازاقستان وبلىسىندا جۇمىس بابىنداعى ساپاردا بولدى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

دەپۋتاتتار سەمەيدەگى جۇزدەسۋلەردە دارىگەرلەردىڭ جەتىسپەۋشىلىگى ماسەلەسىن تالقىلادى. سەناتورلار ايماقتاعى بىرقاتار ماڭىزدى ماسەلەلەردى مەكتەپتەردەگى قاشىقتىقتان ءبىلىم بەرۋ فورماتىنىڭ تيىمدىلىگى، مەديتسينالىق كادرلاردى دايارلاۋ جانە بيلىكتىڭ كوروناۆيرۋستىڭ ەكىنشى تولقىنىنا دايىندىعى تۋرالى زەردەلەۋءدى جوسپارلاعان بولاتىن.

مەديتسينا ۋنيۆەرسيتەتىنىڭ باسشىلىعى دەپۋتاتتارعا وتكەن وقۋ جىلىنىڭ قورىتىندىسى بويىنشا تۇلەكتەردىڭ 90%-ى دەنساۋلىق ساقتاۋ مەكەمەلەرىنە جۇمىسقا ورنالاسقانىن حابارلادى. الايدا، بۇل جەتكىلىكسىز، دەپ ەسەپتەيدى سەناتورلار. ەلدە دارىگەرلەردىڭ جەتىسپەۋشىلىگى بايقالادى، اسىرەسە قازىر پاندەميانىڭ ەكىنشى تولقىنى كۇتىلىپ وتىرعان كەزەڭدە ينفەكتسيونيست دارىگەرلەر مەن ۆيرۋسولوگتاردى دايارلاۋ قاجەت. بۇل تۋرالى دەپۋتات مۇرات باقتيار ۇلى سەمەي قالاسىنىڭ مەديتسينالىق جوعارى وقۋ ورىندارى وقىتۋشىلارىمەن كەزدەسۋءىبارىسىندا ايتتى.

د

«دارىگەرلەردىڭ دايارلاۋ ءىسى دە جاڭا فورماتقا كوشكەنىن كورىپ وتىرمىز. سەمەي مەملەكەتتىك مەديتسينا ۋنيۆەرسيتەتىنىڭ بازاسىمەن تانىسقان كەزدە وندا بىلىكتى دارىگەرلەردىڭ، وقىتۋشى-پروفەسسورلىق قۇرامنىڭ بار ەكەنىن كوردىك. بىراق ەسكەرە كەتەتىن ءبىر ماسەلە بار. جالپى ماماندىققا بايلانىستى دەنساۋلىق ساقتاۋ مينيسترلىگى ءبىر بەتبۇرىس جاساۋى كەرەك. مىسالى، ءبىزدىڭ ەلىمىزدە 4000 جۋىق دارىگەر جەتىسپەيدى، اسىرەسە ينفەكتسيونيستەر، ۆيرۋسولوگتار جەتىسپەيدى. وسىعان بايلانىستى ءتيىسءتى ماماندىقتار مەن كافەدرالاردى اشۋ قاجەتتىلىگى تۋىنداپ وتىر»، - دەدى مۇرات باقتيار ۇلى.

سەنات دەپۋتاتتارىن ءبىلىم بەرۋ گرانتتارىن جاساقتاۋ جانە ىسكە جاراتۋ، جاس مامانداردى جۇمىسپەن قامتۋ جانە «ديپلوممەن اۋىلعا»مەملەكەتتىك باعدارلاماسىنىڭ ناتيجەلەرى قىزىقتىرادى. سونىمەن قاتار، سەنات دەپۋتاتتارى «جۇمىسپەن قامتۋدىڭ جول كارتاسى – 2020» جانە «نۇرلى جەر» باعدارلامالارىنىڭ جۇزەگە اسىرىلۋ بارىسىن تەكسەرىپ، حالىقتىڭ الەۋمەتتىك وسال توپتارىنا ارنالىپ سالىنىپ جاتقان ۇيلەرءدى جانەمادەني-سپورت كەشەنىن ارالاپ كوردى. سونىمەن قاتار، دەپۋتاتتار كوپ بالالى وتباسىلارعا ارنالعان ۇيلەر، جاڭا مەكتەپ سالۋ پروتسەسىمەن، پاندەميا كەزىندەگى اۋىلدىق ەلدى مەكەندەردىڭ جاي-كۇيىمەن جانە پروبلەمالارىمەن تانىستى.

دەپۋتاتتار جەدەل مەديتسينالىق جاردەم اۋرۋحاناسىندا بولىپ، گيبريدتى وپەراتسيا ءبولىمىنىڭ جۇمىسىمەن تانىسىپ، مەديتسينا قىزمەتكەرلەرىنىڭ جالاقىسىن كوتەرۋ ماسەلەسىن تالقىلادى. سونداي-اق، سەناتورلار پەداگوگيكالىق كوللەدجگە باردى. م.و.اۋەزوۆ اتىنداعى پەداگوگيكالىق كوللەدجگە «ۇلتتىق پەداگوگيكالىق كوللەدج» مارتەبەسىن بەرۋ ماسەلەسىن كوتەردى.

ابايدىڭ تۋعان جەرىندە ساپار اياسىندا سەناتورلار اقشوقى، قاراۋىل، قاسقابۇلاق اۋىلدارى مەن جيدەبايدا بولىپ، قۇنانباي وسكەنباي ۇلى مۋزەيىمەن، «اباي-شاكارىم»مەموريالدىق كەشەنىمەن تانىستى. دەپۋتاتتار اۋىلدىڭ الەۋمەتتىك نىساندارىن ارالادى، جاڭا مەكتەپ پەن كوپ بالالى وتباسىلارعا ارنالعان سالىنىپ جاتقان ۇيلەرءدى، مەكتەپ-ينتەرنات پەن امبۋلاتوريانى كوردى. ساپار قورىتىندىسى بويىنشا دەپۋتاتتار ءوڭىردىڭ وڭ دامۋىن اتاپ ءوتتى.

«جۇمىس ساپارى اياسىندا ءبىز سەمەيدە جانە ابايدىڭ وتانى جيدەبايدا بولدىق. ۇلى ابايدىڭ175 جىلدىعى اتاپ وتەءتىن جىلى بءىزدىڭ ساپارىمىزدىڭ ماقساتى ەل پرەزيدەنتى جولداۋىنىڭ ورىندالۋىن باقىلاۋ بولدى. جۇمىسپەن قامتۋدىڭ جول كارتاسى اياسىنداعى بارلىق جوبالار جاقسى ورىندالۋدا، ءوڭىر دامىپ كەلەدى. سەمەيدە قاراعايلى جاڭا شاعىن اۋدانى سالىنىپ، دامۋ قارقىندى ءجۇرىپ جاتىر»، - دەدى سەنات دەپۋتاتى مۇرات باقتيار ۇلى.

سەناتورلار قاراۋىلداعى اباي ەسكەرتكىشىنە گۇل شوقتارىن قويدى.

سوڭعى جاڭالىقتار

ۇقساس جاڭالىقتار