ەلوردا • 27 قىركۇيەك، 2020

ەلوردادا اۆتوبۋس جولاقىسىن SMS ارقىلى تولەۋ ۋاقىتشا توقتاتىلدى

10 رەت كورسەتىلدى

ەلوردا اۆتوبۋستارىندا SMS ارقىلى جولاقى تولەۋ قىزمەتى ۋاقىتشا توقتاتىلادى، دەپ حابارلايدى Egemen.kz.

بۇل جونىندە قالالىق City Transportation Systems كومپانياسى Instagram پاراقشاسىندا حابارلادى.

"قۇرمەتتى قوعامدىق كولىك پايدالانۋشىلارى! Tele2 جانە Altel ۇيالى بايلانىس وپەراتورلارى تاراپىنان تەحنيكالىق اقاۋلارعا بايلانىستى قوعامدىق كولىكتە جول ءجۇرۋ اقىسىن SMS ارقىلى تولەۋ 28 قىركۇيەكتەن باستاپ ۋاقىتشا توقتاتىلادى. جۇيە قالپىنا كەلگەن جاعدايدا قوسىمشا حابارلايمىز"، دەپ ءمالىم ەتتى كومپانيانىڭ ءباسپاسوز قىزمەتى.


ايتا كەتەيىك، جول اقىسىن كولىك كارتاسىمەن جانە QR-كود ارقىلى تولەۋگە بولادى. ول ءۇشىن مىناداي ءموبيلدى قوسىمشالار بار: Kaspi.kz، Homebank، Senim، راحمەت، My Beeline، my Activ، OYBY، Plus24، SMSBUS جانە Astra Bus.

 

سوڭعى جاڭالىقتار

ۇقساس جاڭالىقتار