ەلوردا • 26 قىركۇيەك، 2020

ەلورداداعى شقو مەن اقمولا وبلىستارىنىڭ جارمەڭكەسى جەكسەنبى كۇنى جالعاسادى

135 رەت كورسەتىلدى

ەلوردادا اقمولا وبلىسى اۋىل شارۋاشىلىعى ونىمدەرىنىڭ جارمەڭكەسى ءوتىپ جاتىر. سەنبى-جەكسەنبىدەگى جارمەڭكەگە اتالعان ءوڭىردىڭ 2 قالاسى مەن 17 اۋدانىنان جۇزدەن استام تاۋار ءوندىرۋشى كەلدى، دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

نۇر-سۇلتان قالاسىنداعى «حان شاتىر» سو الاڭىندا اۋىل شارۋاشىلىعى جارمەڭكەسى ءوتىپ جاتىر. شىعىس قازاقستان جانە اقمولا وبلىستارى ەلورداعا 735 توننا ءونىم اكەلدى.

«جالپى قۇنى 225 ملن تەڭگەگە 300 توننا بولاتىن اۋىل شارۋاشىلىعى ونىمدەرىن اكەلدىك. ونىڭ ىشىندە 150 توننا كارتوپ، 45 توننا جىلقىنىڭ ەتى، قازاقستاندا عانا ەمەس، الىس-جاقىن ەلدەرگە تانىمال بالىمىزدىڭ 45 تونناسى، سول سياقتى شەمىشكەنىڭ مايى دا بار. ال تاۋىق ەتىن قۇس تۇماۋىنا بايلانىستى بيىل اكەلە المادىق. وبلىسىمىز سۋلى-نۋلى بولعاندىقتان بالىقتىڭ دا ءتۇر-ءتۇرىن دە ۇمىت قالدىرمادىق»، – دەيدى شقو اكىمىنىڭ ورىنباسارى ەرجان نۇرباەۆ.

ل

اكىم ورىنباسارى بارلىق تاۋارلاردىڭ سەرتيفيكاتتارى مەن ۆەتەرينارلىق انىقتامالارى سەكىلدى قۇجاتتارى دۇرىس ەكەنىن دە اتاپ ءوتتى.

شىعىس قازاقستان وبلىسى اياگوز اۋدانى شۇبارتاۋ اۋىلىنان كەلگەن ادەمىگۇل ءادىلجانوۆا جىلقى ەتىن ساتادى. ونىڭ ايتۋىنشا، ءبىر جارىم ساعات ىشىندە ءونىمنىڭ كوپ بولىگى ساتىلىپ كەتكەن.

«مالدى ءوزىمىز سويىپ، ءوزىمىز مۇشەلەپ بولەمىز. ەكولوگيالىق تازا، دالادا جايىلعان مال ەكەنىنە كەپىلدىك بەرەمىن. ەتىمىز دەلدالدارعا ءوتىپ كەتپەي، ءوزىمىز ساتۋعا مۇمكىندىك بەرىپ وتىرعان وبلىس باسشىلىعىنا العىسىم شەكسىز»، – دەيدى ساتۋشى ادەمى ءادىلجانوۆا.

ءوز ونىمدەرىن جارمەڭكەگە الىپ كەلگەن اقمولا وبلىسى دا تاۋارلارىنىڭ ساپالىعىنا ايرىقشا ءمان بەرەدى. بۇل وڭىردەن 435 توننا ءونىم جەتكىزىلدى.

«بۇگىن ەلورداعا شامامەن 150 توننا كوكونىس، 75 توننا ەت جانە ەت ونىمدەرى، 35 توننا ءسۇت ونىمدەرى، 3،5 توننا بالىق، 40 توننادان استام ۇن الىپ كەلدىك. مۇندا ءبىز وبلىسىمىزدىڭ برەندىنە اينالعان، ەلىمىزدە عانا ەمەس شەتەلدە دە تانىمال تاۋارلارىمىزدى جەتكىزدىك. ناقتىراق ايتسام، «گورمولزاۆود»، «ناتيجە»، «استانا ءونىم»، «ايبات» سەكىلدى كومپانيالار بار. ەڭ باستىسى، ءبارى ەكولوگيالىق تازا ءارى نارىقتاعى باعادان 10-15 پايىز ارزان»، – دەيدى اقمولا وبلىسى اكىمىنىڭ ورىنباسارى عالىمجان ابدىحالىقوۆ.

ماسەلەن، 1 ليتر ءسۇتتى جارمەڭكەدەن – 200 تەڭگەگە، كارتوپتىڭ 1 كيلوسىن نەبارى – 80 تەڭگە الۋعا بولادى. ال جىلقىنىڭ ەتى مۇندا – 1800 تەڭگەدەن باستالادى.

سوڭعى جاڭالىقتار

ۇقساس جاڭالىقتار