سپورت • 25 قىركۇيەك، 2020

الماتى وبلىسىندا امبەباپ دەنەشىنىقتىرۋ-ساۋىقتىرۋ كەشەنى ىسكە قوسىلدى

56 رەت كورسەتىلدى

بۇگىن الماتى وبلىسىندا 180 ورىنعا ارنالعان جەكپە-جەك پەن كۇش قولدانىلاتىن سپورت تۇرلەرىنىڭ امبەباپ دەنەشىنىقتىرۋ-ساۋىقتىرۋ كەشەنى ىسكە قوسىلدى. كەشەن ەلباسىنىڭ 100 دسك سالۋ تۋرالى تاپسىرماسىنا وراي قاراساي اۋدانى، رايىمبەك اۋىلىندا سالىندى. مەملەكەتتىك-جەكەمەنشىك سەرىكتەستىك اياسىندا ىسكە اسىرىلعان جوبانىڭ جالپى قۇنى 1،8 ملرد تەڭگە، دەپ حابارلايدى Egemen.kz الماتى وبلىسىنىڭ ءباسپاسوز قىزمەتىنە سىلتەمە جاساپ.

"پرەزيدەنتتىڭ جولداۋىندا حالىقتىڭ جايلى ءومىر سۇرۋىنە قولايلى جاعداي جاساۋ باعىتىنداعى جۇمىستارعا كوپ كوڭىل بولىنگەن. بۇگىن ءبىز سونداي پايدالى دا ماڭىزدى نىساندى ەلدىڭ يگىلىگىنە پايدالانۋعا بەرگەلى تۇرمىز. بيىل وبلىستا 8 دەنە شىنىقتىرۋ-ساۋىقتىرۋ كەشەنىنىڭ قۇرىلىسىن جۇرگىزسەك، وتكەن جىلى 5-ەۋىن سالىپ، ىسكە قوستىق"، دەيدى ا.باتالوۆ.

1

دسك نەگىزگى 3 بولىكتەن تۇرادى.

ءبىرىنشى بلوكتا كۇرەسپەن جانە بوكسپەن اينالىساتىن زالدار، سول سياقتى ترەناجەرلىق جاتتىعۋ جاسايتىن ورىن (ەركىن كۇرەس، گرەك-ريم كۇرەسى، دزيۋدو، سامبو، قازاقشا كۇرەس، بوكس، تاي بوكسى/مۋايتاي، بوديبيلدينگ، كروسسفيت) بار.

ەكىنشى بلوكتا تىلەك بىلدىرۋشىلەر شاحمات، دويبى، توعىزقۇمالاق، ۇستەل تەننيسىن ويناپ ۇيرەنە الادى، سونىمەن بىرگە بيمەن جانە ءتۇرلى ساۋىقتىرۋ گيمناستيكالارىمەن اينالىسۋعا مۇمكىندىك جاسالعان.

ءۇشىنشى بلوكتا تاعى ءبىر امبەباپ زال بار، مۇندا مۇمكىندىگى شەكتەۋلى 6 ادامعا ارنالعان ورىندى قوسا العاندا 325 كورەرمەنگە ارنالعان ورنى بار تريبۋنالى امبەباپ زال مينيفۋتبول، ۆولەيبول، گاندبول ويىندارىنا ارنالعان. سونىمەن قاتار دسك-نىڭ قورشالعان اۋماعىندا كۇندىز جانە تۇنگى ۋاقىتتا فۋتبول ويناۋعا ارنالىپ جاساندى جابىن توسەلگەن فۋتبول الاڭى، سول سياقتى بالالار ويىن الاڭى مەن ترەناجەرلىق الاڭ ورنالاسقان. 

اتاپ وتسەك، الماتى وبلىسىندا 3 مىڭنان استام سپورتتىق نىساندار، 37 سپورت مەكتەبى بار. 500-دەن استام جەتىسۋلىق سپورتپەن تۇراقتى اينالىسادى. بيىل سپورت مەكتەپتەرىنىڭ ماتەريالدىق-تەحنيكالىق بازاسىن نىعايتۋعا وبلىستىق بيۋدجەتتەن 1،5 ملرد تەڭگە بولىنگەن.

سوڭعى جاڭالىقتار

ۇقساس جاڭالىقتار