تاعايىنداۋ • 25 قىركۇيەك، 2020

ارداق قاڭتارباەۆ ەكىباستۇز قالاسىنىڭ اكىمى بولىپ تاعايىندالدى

72 رەت كورسەتىلدى

ەكىباستۇزدىڭ جاڭا اكىمىن قالا اكتيۆىنە ءوڭىر باسشىسى ابىلقايىر سقاقوۆ تانىستىردى، دەپ حابارلايدى Egemen.kz

پاۆلودار وبلىسىنىڭ اكىمى ەرجان يمانزايىپوۆقا اتقارعان جۇمىسى ءۇشىن العىس ايتىپ، جاڭا باسشىنىڭ الدىنا ءبىرىنشى كەزەكتەگى مىندەتتەردى قويدى.

"ەكىباستۇز – پاۆلودار وبلىس پەن بۇكىل ەل ءۇشىن دە ماڭىزدى قالالاردىڭ ءبىرى. جۇرتشىلىقپەن بىرگە ەكىباستۇزدى دامىتۋدىڭ ورتا مەرزىمدى باعدارلاماسىن ازىرلەۋ قاجەت. مۇندا ونەركاسىپتى عانا ەمەس، اۋىل شارۋاشىلىعىن دا دامىتۋ ءۇشىن ۇلكەن الەۋەت بار. ەڭبەك رەسۋرستارى بويىنشا ماسەلەلەر بار، سوندىقتان كادرلاردى دايارلايتىن مەن قايتا دايارلاۋدان وتكىزەتىن وڭىرارالىق وقۋ ورتالىعىنىڭ ساپالى جۇمىسىن ۇيىمداستىرۋ قاجەت. ماڭىزدى باعىت – ينۆەستيتسيا تارتۋ. پاۆلودار مەن استاناعا جاقىندىعى، سونداي-اق دامىعان كولىك ينفراقۇرىلىمى ۇلكەن ارتىقشىلىق بولىپ تابىلادى"، دەدى وبلىس اكىمى.
 
ارداق قاڭتارباەۆ 1968 جىلى باياناۋىل اۋدانىندا دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن "زاڭگەر" ماماندىعى بويىنشا، 2009 جىلى قازاق باس ساۋلەت – قۇرىلىس اكادەمياسىن "ينجەنەر-قۇرىلىسشى" ماماندىعى بويىنشا تامامداعان. 2018 جىلى رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا مەملەكەتتىك جانە مۋنيتسيپالدىق باسقارۋ ماگيسترى دارەجەسىن الدى.

ەڭبەك جولىن 1986 جىلى "ەكىباستۇز ەنەرگوجيلپرومسترويدا" اعاش ۇستاسى بولىپ باستاعان. 1988 جىلى اسكەر قاتارىنا شاقىرىلدى.

1989 جىلى الماتى زاۋىتىندا توكار وقۋشىسى جانە توكار-جارتىلاي اۆتوماتشى بولىپ جۇمىس ىستەدى.

1994-1995 جىلدارى – ۇعا مەملەكەت جانە قۇقىق ينستيتۋتىنىڭ كىشى عىلىمي قىزمەتكەرى;

2002-2006 جىلدارى – "الماتى تەحنيكالىق تۇگەندەۋ بيۋروسى" جشس ديرەكتورى;

2006-2008 جىلدار ارالىعىندا الماتى "سەيسموقۇرىلىسقورعاۋ" مكقك باسشىسىنىڭ مىندەتىن اتقاردى جانە باسشىسى بولدى;

2008 جىلدان 2009 جىلعا دەيىن AlmaRealty.kz جشس ديرەكتورى;

2009 جىلى الماتى قالاسى ادىلەت دەپارتامەنتىنىڭ ينسپەكتورى;

2012 جىلعا دەيىن جەتەكشى ماماننىڭ مىندەتىن اتقارۋشىدان وسى ۆەدومستۆو باسشىسىنىڭ ورىنباسارىنا دەيىنگى جولدان ءوتتى.

2012-2016 جىلدارى پاۆلودار وبلىسىنىڭ ادىلەت دەپارتامەنتىن باسقاردى. 2016 جىلدان 2019 جىلعا دەيىن ماي اۋدانىنىڭ اكىمى قىزمەتىن اتقاردى.

سوڭعى جاڭالىقتار

ۇقساس جاڭالىقتار