وڭتۇستىك قازاقستان • 25 قىركۇيەك، 2020

شىمكەنتتەگى گاگارين كوشەسىندە جوندەۋ جۇمىستارى اياقتالۋعا جاقىن

12 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ ازاماتتاردىڭ جەكە سۇراقتارى بويىنشا ونلاين قابىلداۋ وتكىزدى. بۇگىنگى وتكەن ونلاين قابىلداۋدا ازاماتتاردىڭ باسىم بولىگى جول ماسەلەسىن قوزعادى، دەپ حابارلايدى Egemen.kz

سولاردىڭ ءبىرى – قالا تۇرعىنى جاقسىلىق ەلتاەۆ. ول گاگارين، قۇرتاەۆ، ارىستاندى كوشەلەرىندەگى جوندەۋ جۇمىستارى جونىندە سۇرادى.
 
مۇرات ايتەنوۆ گاگارين كوشەسىنىڭ ورتاشا جوندەۋ جۇمىستارى اياقتالعانىن جەتكىزدى.
 
"بۇگىنگى تاڭدا گاگارين كوشەسىنىڭ اباي داڭعىلىنان ەرمات اتا كوشەسى ارالىعىندا جوندەۋ جۇمىستارى تولىعىمەن اياقتالعان. الايدا ءالى قابىلدانعان جوق. قۇرتاەۆ كوشەسىنىڭ جالعاسىندا تەگىستەۋ جۇمىستارى جۇرگىزىلدى. اسفالتبەتون قاباتى سالىنعان. 1 قازانعا دەيىن تولىق اياقتالادى"، دەدى شاھار باسشىسى.
 
سونداي-اق ارىستاندى كوشەسىنىڭ ورتاشا جوندەۋ جۇمىستارىنا قارجى ءبولۋدى قاراستىرۋ ماقساتىندا سالا باسشىلارىنا تاپسىرما بەردى.
 
ودان وزگە، ازاماتتاردى قابىلداۋ بارىسىندا كوتەرىلگەن ماسەلەلەر بويىنشا ءبىرشاما شەشىمدەر شىعارىلدى.
 
اتاپ ايتقاندا، جايلاۋ شاعىن اۋدانىنداعى س.احمەتوۆ كوشەسىنە وسى جىلى قاراشا ايىنا دەيىن اسفالت توسەلەتىن بولدى. ال №125 مەكتەپتەن باستالاتىن پولەۆايا كوشەسىنە ورتاشا جوندەۋ جۇمىستارىن جۇرگىزۋ ءۇشىن، سمەتالىق قۇجاتتاما ازىرلەنىپ، كەلەر جىلعا قارجى بولۋگە ۇسىنىس ەنگىزىلەتىن بولدى.
سوڭعى جاڭالىقتار

ۇقساس جاڭالىقتار