وڭتۇستىك قازاقستان • 25 قىركۇيەك، 2020

شىمكەنتتە 972 مەملەكەتتىك قىزمەتشى قايتا دايارلاۋ كۋرسىنان وتكەن

4 رەت كورسەتىلدى

بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ شىمكەنت قالالىق فيليالىنىڭ ديرەكتورى ادىلەت نىسانباەۆ مالىمدەدى، دەپ حابارلايدى Egemen.kz

– جىل باسىنان بەرى اكادەميا فيليالى بازاسىندا 1001 ازاماتتىڭ وقىتىلۋى جوسپارلانىپ، 972 ازاماتتىق قىزمەتشى مەن مەملەكەتتىك قىزمەتشى بىلىكتىلىكتەرىن ارتتىرۋ ماقساتىندا سەمينارلار جانە قايتا دايارلاۋ كۋرستارىنان ءوتتى. ياعني، مەملەكەتتىك جانە اكىمشىلىك لاۋازىمدى قىزمەتشىلەر جوعارى بىلىكتى كاسىبي مامان رەتىندە العان بىلىمدەرىنىڭ ارقاسىندا ءوز سالاسىندا جوعارى قۇزىرەتتىلىكە يە بولىپ، ەڭبەك نارىعىندا باسەكەگە قابىلەتتىلىگىن ارتتىرا الادى. ءبىز مەملەكەتتىك قىزمەتشىلەردىڭ بىلىكتىلىگىن ارتتىرۋمەن قاتار، ستراتەگيالىق ويلاۋعا، بىرىڭعاي قۇزىرەتتىلىك شەڭبەرىن كوتەرۋگە جانە وڭىرلىك كومپونەنتتەرگە باسىمدىق بەرەمىز، – دەدى ءا.نىسانباەۆ.
 
ادىلەت ادىلبەك ۇلىنىڭ سوزىنە سۇيەنسەك، مەملەكەتتىك قىزمەتشىلەردىڭ كاسىبي دەڭگەيىن جوعارىلاتۋ ماقساتىندا اكادەميا فيليالىنىڭ بىلىكتى پروفەسسورلارى مەن دوتسەنتتەرى تاراپىنان كوپتەگەن ءدارىس قامتىلادى.
ماسەلەن:
– سىبايلاس جەمقورلىققا قارسى;
– جوبالىق باسقارۋ;
– حالىقپەن ءوزارا قارىم-قاتىناس مادەنيەتى;
– جۇرتشىلىق الدىندا جاريا ءسوز سويلەۋ;
– كوشباسشىلىق جانە ەموتسيالىق ينتەللەكت;
– وزگەرىس ەنگىزەتىن كوشباسشىلاردىڭ جۇيەلىك ويلاۋى جانە لاتىن گرافيكاسى نەگىزىندەگى رەسمي جازىلىم سىندى دارىستەر وقىتىلادى.
 
سپيكەردىڭ مالىمەتىنشە، قازىرگى تاڭدا 72 جوبا ازىرلەنىپ، 2020 جىلدىڭ جيناق قورىنا كىرگەن. كوميسسيا مۇشەلەرى وسى جوبالاردان ەڭ وزەكتىلەرىن ىرىكتەپ، شىمكەنت قالاسى اكىمدىگىنىڭ جوبالىق كەڭسەسىنە ىسكە اسىرۋعا ۇسىنىپ وتىرادى. ياعني، كەڭسە مەن اكادەميا فيليالى اراسىندا تىعىز قارىم-قاتىناس ورناتىلعان.
 
ايتا كەتەيىك، بۇگىنگى ەپيدەميالىق احۋالعا بايلانىستى مەملەكەتتىك قىزمەتشىلەردى وقىتۋ ءۇردىسى ونلاين فورماتتا جۇرگىزىلۋدە.
سوڭعى جاڭالىقتار

ۇقساس جاڭالىقتار