ايماقتار • 25 قىركۇيەك، 2020

الماتىدا دەمالىس كۇندەرى اۆتوبۋس باعىتتارى وزگەرەدى

160 رەت كورسەتىلدى

الماتىدا 26-27 قىركۇيەك كۇنى اۆتوبۋس باعىتتارى وزگەرەدى، دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

دەمالىس كۇندەرى الماتىداعى قوعامدىق كولىكتەر ادەتتەگىدەي ساعات 06.00 دەن 22.00-گە دەيىن جۇمىس ىستەيدى. الايدا، بۇرىنعى ساياحات اۆتوبەكەتى ماڭىنان وتەتىن اۆتوبۋستاردىڭ باعىتى وزگەرەدى.

"الماتى اۆتوبۋستارى" جشس-ءنىڭ مالىمەتىنشە، 2020 جىلدىڭ 25 قىركۇيەگى كۇنگى ساعات 17:00-دەن باستاپ 26 قىركۇيەك ساعات 23:00-گە دەيىن جول-قۇرىلىس جۇمىستارىنا بايلانىستى رايىمبەك داڭعىلى - نازارباەۆ داڭعىلىنان جانگەلدين كوشەسىنە دەيىن، پۋشكين كوشەسى - ماقاتاەۆ كوشەسىنەن رايىمبەك داڭعىلىنا دەيىن، ءۋاليحانوۆ كوشەسى - ماقاتاەۆ كوشەسىنەن رايىمبەك داڭعىلىنا دەيىن، قوناەۆ كوشەسى – ماقاتاەۆ كوشەسىنەن رايىمبەك داڭعىلىنا دەيىن اۆتوكولىك قوزعالىسى ۋاقىتشا توقتاتىلادى.

"كورسەتىلگەن مەرزىمدە قوعامدىق كولىكتىڭ، ناقتىراق ايتقاندا،  203، 204، 207، 208، 220، 222، 225، 228، 410 باعىتىنداعى اۆتوبۋستاردىڭ قوزعالىسى وزگەرتىلگەن باعىتتا كەلەسى تارتىپپەن جۇزەگە اسىرىلادى: رايىمبەك داڭعىلى بويىنداعى نازارباەۆ داڭعىلى جانە پۋشكين كوشەسى ارالىعىندا شىعىس باعىتتاعى بارلىق قوعامدىق كولىك جول ايىرىعىنىڭ توننەلى ارقىلى وتەدى. تالعار، ەسىك اۋداندارىنان جانە وتەگەن باتىر اۋىلىنان قاتىنايتىن جولاۋشىلار ءۇشىن رايىمبەك-نازارباەۆ، رايىمبەك-جانگەلدين، پۋشكين-ماقاتاەۆ، گوگول-نازارباەۆ ۋچاسكەلەرىندە سوڭعى پۋنكت ۇيىمداستىرىلادى"، دەلىنگەن حابارلامادا. 

 

سونداي-اق، "رايىمبەك باتىر" مەترو ستانتسياسىنداعى تەحنيكالىق جۇمىسقا بايلانىستى پروفيلاكتيكالىق جۇمىستار جۇرگىزىلەدى، وسىعان وراي جوعارىدا اتالعان مەرزىمدە بۇل ستانتسيا ۋاقىتشا جۇمىس ىستەمەيدى، سوڭعى ستانتسيا – "جىبەك جولى".

 

سوڭعى جاڭالىقتار

ۇقساس جاڭالىقتار