قوعام • 25 قىركۇيەك، 2020

"شۇباركول" جىلىنا 1000 توننا بەلسەندەندىرىلگەن كومىر ءوندىرۋدى جوسپارلاپ وتىر

20 رەت كورسەتىلدى

"شۇباركول كومىر" اق-دا  تاجىريبەلىك-ونەركاسىپتىك قوندىرعىسىندا ىسكە قوسۋ مەن جوندەۋ جۇمىستارىن جۇرگىزۋ بارىسىندا بەلسەندىرىلگەن كومىردىڭ العاشقى بايقاۋ پارتياسى ءوندىرىلدى. كاسىپورىننىڭ ونەركاسىپتىك الاڭىنداعى حيميالىق زەرتحانادا ونىمگە تالداۋلار جاسالىپ، ونىڭ ساپاسى وتە جاقسى ەكەنى راستالدى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

«شۇباركول كومىر» – قازاقستانداعى ەڭ ءىرى ەنەرگەتيكالىق كومىر وندىرۋشىلەردىڭ ءبىرى. شۇباركول كومىرى جوعارى قۇنارلىعى جانە تومەن كۇلدىلىگىنىڭ ارقاسىندا شىنىمەن ەكولوگيالىق جاعىنان تازا ەنەرگيا تاسىمالداۋشىعا جاتادى. «شۇباركول كومىر» اق كوكس-حيميالىق تسەحى نەگىزىندە ۇساق سپەتسكوكستان تاجىريبەلىك-ونەركاسىپتىك بەلسەندىرىلگەن كومىردى ءوندىرۋ جوباسى قازاقستان رەسپۋبليكاسىنىڭ عالىم-تەحنولوگتارى ازىرلەگەن تەحنولوگيانى ەنگىزۋدى قاراستىرادى. ونىڭ كاسىپورىن عانا ەمەس تمد ەلدەرى اۋماعىندا تەڭدەسى جوق. جوبانى كاسىپورىن «ERG عىلىمي-زەرتتەۋ ينجيرينگ ورتالىعى» جشس بىرلەسىپ جۇزەگە اسىرىپ جاتىر. نىساننىڭ وندىرىستىك قۋاتى – جىلىنا 1 مىڭ توننا بەلسەندىرىلگەن كومىر.

جوبانىڭ باستى ماقساتى – يمپورتتى الماستىرۋ ماسەلەسىن شەشۋ بولىپ تابىلادى. بەلسەندىرىلگەن كومىردى قولدانۋ سالاسى وتە كەڭ: گيدرومەتاللۋرگيالىق، التىن قازۋ، فوسفات ونەركاسىبى، سۋ تازارتۋ. بۇگىنگى تاڭدا اتالعان ونىمگە سۇرانىس جوعارى بولعانىنا قاراماستان، (جىلىنا 7 مىڭ توننادان ارتىق) بارلىق بەلسەندىرىلگەن كومىر قازاقستانعا شەتەلدەن جەتكىزىلىپ كەلەدى.

– شۇباركولدىك بەلسەندىرىلگەن كومىردىڭ باستى ارتىقشىلىعى شيكىزات رەتىندە ارزان كوكس ۇساعىن جانە ەنەرگيا تاسىمالداۋشى رەتىندە، قازىرگى ۋاقىتتا جاعىلاتىن كوكس گازىن پايدالانعانىنان، ونىڭ وزىندىك قۇنى تومەن. بۇل جاعداي ءوندىرىس قالدىقتارىن كادەگە جاراتۋ دەگەن وتە ماڭىزدى ماسەلەنى شەشۋگە سەپتىگىن تيگىزەدى، – دەدى «شۇباركول كومىر» اق وپەراتسيالىق تيىمدىلىك ءبولىمىنىڭ باسشىسى الەكساندر لاپشين. سونىمەن قاتار، وسى تەحنولوگيا بويىنشا الىنعان بەلسەندىرىلگەن كومىر نارىقتا بار ونىمنەن ەش كەم تۇسپەيدى. بىراق وزىندىك قۇن بويىنشا ول نەگىزگى باسەكەلەستەردەن 1،5 – 3 ەسە تومەن بولادى.

ىسكە قوسۋ مەن جوندەۋ جۇمىستارىنا «شۇباركول كومىر» اق ماماندارىنان بولەك، جوبانى عىلىمي-تەحنيكالىق تۇرعىدان «ERG عزيو» جشس  جانە «ايملاب» جشس ماماندارى سۇيەمەلدەدى. قاشىقتىقتان قوسىلۋ ارقىلى جابدىقتى جاساپ شىققان ء وندىرۋشى-زاۋىتتىڭ «سپلاين – م» جشق (رەسەي فەدەراتسياسى) ماماندارى دا جۇمىسقا جۇمىلدىرىلعان.

كاسىپورىن ستاندارتىن الۋ ءۇشىن بەلسەندىرىلگەن كومىردىڭ تاجىريبەلىك ۇلگىلەرى تاۋەلسىز زەرتحاناعا تاپسىرىلدى. كەلەسى كەزەڭ – «شۇباركول كومىر» اق-دا بەلسەندىرىلگەن كومىردى ءوندىرۋدى مەن وتكىزۋدى باستاۋعا مۇمكىندىك بەرەتىن ساپا سەرتيفيكاتىن الۋ.

شۇباركول ماماندارى ازىرلەگەن جوبانى ءساتتى پايداعا جاراتۋ كاسىپورىندا جاڭا جۇمىس ورىندارىن اشۋعا مۇمكىندىك بەرەدى. قازاقستاندىق وندىرۋشىلەر شىعاراتىن ءونىم ۇلەسىن كوبەيتەدى.

سوڭعى جاڭالىقتار

ۇقساس جاڭالىقتار