اقمولا وبلىستىق پوليتسيا دەپارتامەنتىنىڭ جانە پروكۋراتۋراسىنىڭ قىزمەتكەرلەرى ۇلتتىق ۇلان كۇشتەرىن تارتا وتىرىپ, وندىرىستىك وبەكتىلەردە التىنداردى ۇرلاۋمەن جانە كونتراباندامەن اينالىساتىن ۇيىمداسقان توپتىڭ قىلمىستىق ءىس-ارەكەتىنىڭ جولىن كەستى.
توپ مۇشەلەرى ستەپنوگورسك قالاسى مەن شورتاندى اۋدانىنىڭ اۋماعىندا ورنالاسقان كەن ورىندارىنان قۇرامىندا التىنى بار كەندى وندىرگەن.
سونداي-اق شيكىزاتتى وڭدەيتىن توعىز جاسىرىن شاعىن تسەح جويىلدى. مۇندا التىن كەننەن قولمەن ءوندىرىلىپ, شەتەلگە شىعارىلعان. پوليتسەيلەر بارلىعى جەتى قىلمىستىق توپتى əشكەرەلەدى. ولاردىڭ قۇرامىندا جاقىن شەت مەملەكەتتەردىڭ ازاماتتارى دا بولدى.
ءتىنتۋ 72 وبەكتىدە جۇرگىزىلدى. زاڭسىز اينالىمنان 26 توننادان استام كەن, 10 كەلىگە جۋىق التىن, 3 كەلىدەن استام كۇمىس تاركىلەندى. ودان وزگە پوليتسيا قىزمەتكەرلەرى التى ۇساقتاۋ قوندىرعىسىن, بايلانىس قۇرالدارىن, كەڭسە تەحنيكاسىن, اقشا قاراجاتىن, ارنايى تەحنيكا مەن اۆتوكولىكتى انىقتادى. بۇلاردى توپ مۇشەلەرى وزدەرىنىڭ زاڭسىز ارەكەتتەرى ءۇشىن پايدالانعان.
قۇقىق قورعاۋ ورگاندارىندا قىلمىستىق ارەكەتتىڭ بارلىق انىقتالعان ەپيزودتارى بويىنشا سوتقا دەيىنگى تەرگەۋ باستالدى. قازىر 10 ادام قاماۋدا. جەدەل-تەرگەۋ شارالارى جالعاسۋدا.
