فوتو اۆتورى: ماكسيم زولوتۋحين
ء"بىز الەمدەگى 50-دەن استام ەلدە قولداناتىن ادىسپەن الماتىدا جاڭا جوسپار قۇرا باستايمىز. قالامەن بىرگە "جاسىل قالانى" دامىتۋدىڭ جۇيەلى جوسپارىن جاساپ, كولىك, ەنەرگەتيكا جانە باسقا دا ماسەلەلەر بويىنشا جۇمىس ىستەپ جاتىرمىز", دەدى پرەيمانيس "قازاقستان ءوسۋ فورۋمى" كونفەرەنتسياسىندا.
ونىڭ ايتۋىنشا, الماتى قالاسىنىڭ اكىمدىگىمەن بىرلەسىپ جاساعان جوسپاردا جالپى دامۋ, قاي بولىكتەرگە جاڭا ينۆەستيتسيالاردى, جاڭا كومپانيالاردى تارتۋعا بولادى جانە بۇل ءۇشىن نە قاجەت ەكەنى ناقتى جازىلعان.
"نەگىزىندە مۇنداعى كوزقاراس پەن جاھاندىق كوزقاراس ۇقساس. بىزدەگى يدەيا – قالا دەڭگەيىندە جانە كەيبىر سەكتورلار دەڭگەيىندە ەكوجۇيە قۇرۋ. زاڭناماعا وزگەرىستەر ەنگىزىلدى. سونىمەن قاتار, كەيبىر ينۆەستيتسيالار – ناقتى جەكە كومپانيالار ءۇشىن دامۋ مۇمكىندىكتەرى", دەپ ءتۇسىندىردى اگريس پرەيمانيس.
