ايماقتار • 24 قىركۇيەك، 2020

مۇرات ايتەنوۆ چەمپيونداردى ماراپاتتادى

10 رەت كورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ اۋەسقويلار اراسىندا شاعىن فۋتبولدان وتكەن قازاقستان چەمپيوناتىندا جەڭىسكە جەتكەن «ستاندارت» فۋتبول كومانداسىنىڭ مۇشەلەرىن قابىلدادى، دەپ حابارلايدى Egemen.kz.

شاھار باسشىسى فۋتبولشىلاردى ەل چەمپيونى اتانۋىمەن قۇتتىقتاپ، ولارعا بۇقارالىق سپورتتى دامىتۋعا ۇلەس قوسقانى ءۇشىن العىس ايتتى.

"اۋەسقويلار اراسىنداعى فۋتبول — بۇقارالىق سپورتتىڭ مەيلىنشە كەڭ تارالعان، تانىمال ءتۇرى. سوندىقتان سىزدەردىڭ جەڭىستەرىڭىز بارشا شىمكەنتتىكتەر ءۇشىن ەلەۋلى وقيعا دەپ بىلەمىن. سپورت – دەنساۋلىق كەپىلى. جاس ۇرپاقتىڭ دەنى ساۋ بولسا، ۇلتىمىز ارقاشان باسەكەگە قابىلەتتى بولماق. سول سەبەپتى بۇگىندە مەملەكەت بۇقارالىق سپورتتىڭ دامۋىنا، جاستاردىڭ سالاۋاتتى ءومىر سالتىن ۇستانۋىنا بارىنشا جاعداي جاساپ وتىر"، — دەگەن مۇرات دۇيسەنبەك ۇلى بيىل شىمكەنتتە 27 Street-workout الاڭى سالىنعانىن اتاپ ءوتتى. 

مۇرات ايتەنوۆ قازىر قالا تۇرعىندارىنىڭ 28 پروتسەنتى سپورت جانە دەنە شىنىقتىرۋمەن تۇراقتى تۇردە اينالىساتىنىن، وسى كورسەتكىشتى پرەزيدەنت تاپسىرماسىندا ايتىلعانداي، 30 پروتسەنتكە جەتكىزۋ ماقساتىندا اۋقىمدى جۇمىس اتقارىلىپ جاتقانىنا توقتالدى. 

قالا اكىمى كوماندانىڭ جەڭىسكە جەتۋىنە باپكەرلەر سابىرجان بەكپاەۆ پەن حۋسان ۋتامەتوۆتىڭ دە زور ۇلەس قوسقانىن ايتىپ، ولارعا ساتتىلىك تىلەدى. 

سونىمەن قاتار «ستاندارت» كومانداسىنىڭ الداعى ۋاقىتتا ۋكراينادا وتەتىن شاعىن فۋتبولدان اۋەسقويلار اراسىنداعى الەم چەمپيوناتىندا ەل نامىسىن لايىقتى قورعايتىنىنا سەنىم ءبىلدىردى.

كەزدەسۋدىڭ سوڭىندا اكىم باپكەرلەر مەن فۋتبولشىلارعا العىس حات پەن ارنايى سىيلىقتار تابىس ەتتى. 

سوڭعى جاڭالىقتار

ۇقساس جاڭالىقتار