ايماقتار • 24 قىركۇيەك، 2020

قايتارىمسىز مەملەكەتتىك گرانت العاندار كاسىبى قالاي جۇرۋدە؟

47 رەت كورسەتىلدى

قايتارىمسىز مەملەكەتتىك گرانت العان  مۇنايلىلىقتار كاسىبىن وركەندەتىپ وتىر، دەيدى مۇنايلى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى گۇلباقىت اقنيازوۆا. بۇل تۋرالى مۇنايلى اۋدانى اكىمدىگىنىڭ ءباسپاسوز قىزمەتى حابارلادى.

"ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ ەكىنشى باعىتى اياسىندا جاڭا بيزنەس يدەيانى ىسكە اسىرۋعا جوسپار بويىنشا 60 ادامعا 33 336،0 مىڭ تەڭگە ءبولىندى. ونىڭ ىشىندە 29 ادام كوپبالالى، 1 از قامتىلعان وتباسى مۇشەسى، 21 جاس كاسىپكەر، 3 مۇمكىندىگى شەكتەۋلى تۇرعىن. جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتار قاراجاتى قاجەتتى ەڭبەك قۇرالدارىن، تەحنولوگيالىق جابدىقتاردى، جانۋارلاردى، مالدى، قۇستاردى ساتىپ الۋعا بەرىلدى"، دەدى گۇلباقىت اقنيازوۆا.

اۋداندا «باستاۋ بيزنەس» جوباسى اياسىندا كاسىپكەرلىك نەگىزدەرى كۋرسىنا 159 ادامعا جولداما بەرىلگەن.

سوڭعى جاڭالىقتار

ۇقساس جاڭالىقتار