ايماقتار • 24 قىركۇيەك، 2020

ەكىباستۇزدا قوعامدىق كولىكتەردە قازاق ءتىلىن ۇيرەنۋگە ارنالعان قاعازدار ءىلىندى

18 رەت كورسەتىلدى

سونداي-اق ۇلى تۇلعالاردىڭ ايتقان سوزدەرى دە ىلىنگەن، دەپ حابارلايدى Egemen.kz.

قالالىق اكىمدىكتىڭ مالىمدەۋىنشە، مادەنيەت جانە تىلدەردى دامىتۋ ءبولىمى "ەل مۇراتى" اكتسياسى اياسىندا قوعامدىق كولىكتەردە ۇلى ابايدىڭ "قارا سوزدەرى"، مۇحتار اۋەزوۆ، احمەت بايتۇرسىنوۆ، ءابۋ ناسىر ءال-فارابي جانە وزگە دە تۇلعالاردىڭ دانا ويلارى بار پلاكاتتار ىلگەن.

وعان قوسا، پاۆلودار وبلىسىنىڭ مادەنيەت جانە تىلدەردى دامىتۋ باسقارماسىنىڭ باستاماسىن قولداپ، مەملەكەتتىك ءتىلدى ۇيرەتەتىن پلاكاتتاردى دا قوسا ورنالاستىرعان.

"اۆتوبۋستاردا ءاردايىم ادامدار كوپ. مەنىڭ ويىمشا، ورىن دۇرىس تاڭدالعان. ادام العاشىندا، مۇمكىن، سوزدەردى جاي عانا وقيدى، ەكىنشى رەت – ساناسىنا قۇيادى، ال ءۇشىنشى رەت – جاتتاپ تا الادى. ءسويتىپ، ءارى قاراي وتباسىمەن، جولداستارىمەن سوزدىك قورىن مولايتادى"، دەيدى پلاكاتتاردى جابىستىرۋعا بەلسەندى اتسالىسقان "اتامۇرا" مادەنيەت ورتالىعىنىڭ ديرەكتورى نۇرسۇلۋ تولەۋباەۆا.

ايتا كەتەيىك، 4 كۇننىڭ ىشىندە قالانىڭ 50-دەن استام قوعامدىق كولىگىنە 200-گە جۋىق پلاكات ءىلىندى.

سوڭعى جاڭالىقتار

ۇقساس جاڭالىقتار