ەلوردا • 24 قىركۇيەك، 2020

نۇر-سۇلتاندا بالالار ەكو-الاڭى پايدا بولدى

17 رەت كورسەتىلدى

ەلوردامىزدا بالالارعا ارنالعان ۇلكەن ەكو-الاڭنىڭ ءبىرى – سارايشىق كوشەسىندەگى كوپىراستى كەڭىستىگىندە اشىلدى، دەپ حابارلايدى Egemen.kz

بۇل جاڭا قوعامدىق كەڭىستىك ترياتلون جانە پرەزيدەنت ساياباعىن بايلانىستىرادى. ويىن الاڭىنىڭ جالپى اۋدانى 1088 م2.

"الاڭعا ءالى دە شاعىن ساۋلەت فورمالارى قويىلادى. ەكسترەمالدى سپورت اۋەسقويلارى ءۇشىن پاركۋر-الاڭ قۇرۋ دا جوسپارلانىپ وتىر"، دەلىنگەن حابارلامادا.

بۇعان دەيىن وسىنداي كوپىراستى كەڭىستىك ل.ن.گۋميلەۆ اتىنداعى ەۇۋ جانىندا سالىنعان ەدى. مۇندا ستريتبول، سكەيت، ۆوركاۋت جانە ستريت-ارت الاڭدارى اشىلىپ، تەننيس ۇستەلدەرى قويىلدى.

"قازىر نۇر-سۇلتان قالاسىنىڭ ۋربانيستيكا ورتالىعى ايگىلى چەمپيوندار – جاقسىلىق ۇشكەمپىروۆ پەن دەنيس تەنگە ارنالعان گراففيتي سالۋ ءۇشىن قولايلى ورىن قاراستىرىپ جاتىر. سپورت جۇلدىزدارىنىڭ ەسىمدەرى ءاربىر وتانداسىمىزدىڭ ەسىندە قالارى ءسوزسىز"، دەيدى ماماندار.

ايتا كەتسەك، تۇرعىندار ءۇشىن بارىنشا قولايلى جاعداي جاساپ، جاڭا تارتىلىس نۇكتەلەرىن قۇرۋ جۇمىستارى "نۇر-سۇلتان – جايلى قالا" تۇجىرىمداماسى اياسىندا ىسكە اسىرىلىپ جاتىر.

بيىل ەلوردادا 150 اۋلا اباتتاندىرىلىپ، 54 قوعامدىق كەڭىستىك سالىندى.

سوڭعى جاڭالىقتار

ۇقساس جاڭالىقتار