ايماقتار • 24 قىركۇيەك، 2020

كەزەكشى سىنىپتا وقيتىن ءتورت وقۋشىدان كوروناۆيرۋس انىقتالدى

216 رەت كورسەتىلدى

شىعىس قازاقستان وبلىسىندا كەزەكشى سىنىپتا وقيتىن ءتورت وقۋشى كوروناۆيرۋس جۇقتىردى، دەپ حابارلايدى Egemen.kz.

بۇل اقپاراتتى شىعىس قازاقستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى راستادى.

"1 قىركۇيەكتەن باستاپ وبلىس اۋماعىندا ءتورت جاعداي تىركەلدى. ولار شەمونايحا اۋدانىنىڭ 4-سىنىپ وقۋشىلارى، كوكپەكتى اۋدانىنىڭ 11-سىنىپ وقۋشىسى جانە التاي اۋدانىنىڭ 2-سىنىپ وقۋشىسى"، دەپ حابارلادى ۆەدومستۆونىڭ ءباسپاسوز قىزمەتى.

قازىر وبلىس اۋماعىندا 14 كۇندىك كارانتينگە ەكى سىنىپ پەن ءبىر مەكتەپ جابىلدى. COVID-19 ۆيرۋسى انىقتالعان بارلىق مەكتەپتەردە ەپيدەمياعا قارسى، دەزينفەكتسيالىق شارالار جۇرگىزىلدى.

ەسكە سالا كەتەيىك، كەشە شقو-داعى كەزەكشى سىنىپقا باراتىن وقۋشىدان كوروناۆيرۋس انىقتالدى.

سوڭعى جاڭالىقتار

ۇقساس جاڭالىقتار