رۋحانيات • 24 قىركۇيەك، 2020

بىرىككەن اراب امىرلىگىندە "اباي" مادەني-تانىمدىق زالى اشىلدى

88 رەت كورسەتىلدى

قازاق حالقىنىڭ ۇلى اقىنى، فيلوسوفى اباي قۇنانباي ۇلىنىڭ 175 جىلدىعىنا وراي قازاقستاننىڭ ءباا-دەگى ەلشىلىگىنىڭ عيماراتىندا "اباي" مادەني-تانىمدىق زالى اشىلدى، دەپ حابارلايدى Egemen.kz

ەلىمىزدىڭ مادەنيەت جانە سپورت مينيسترلىگىنىڭ قولداۋىمەن وتكەن ءىس-شاراعا قر ۇلتتىق اكادەميالىق كىتاپحاناسى مەن جازۋشىلار وداعىنىڭ باسشىلىعى، امىرلىكتەردەگى وتانداستارىمىز بەن بىرقاتار شەت مەملەكەتتىڭ ەلشىلەرى، سونداي-اق قوعام قايراتكەرلەرى مەن باق وكىلدەرى قاتىستى.

اشىلۋ سالتاناتىندا ءسوز سويلەگەن قازاقستاننىڭ ەلشىسى ماديار مەڭىلبەكوۆ "اباي" مادەني-تانىمدىق زالى قازاق حالقىنىڭ ادەبي مۇراسىن شەتەلدەگى وتانداستارىمىز اراسىندا دارىپتەۋگە، جەرگىلىكتى وقىرمان قاۋىمدى قازاق كلاسسيگىنىڭ شىعارمالارىمەن تانىستىرۋعا مول ۇلەسىن قوساتىنىن جەتكىزدى.

1

قازاقستاندىق ديپلومات ەلىمىزدىڭ تۇڭعىش پرەزيدەنتى – ەلباسى ن.نازارباەۆتىڭ باستاماسىمەن قولعا الىنعان "رۋحاني جاڭعىرۋ" باعدارلاماسىن تىلگە تيەك ەتىپ، سونىڭ اياسىندا ۇلتتىق مادەنيەتىمىز بەن ونەرىمىزدى، اباي باستاعان قازاق ادەبيەتىنىڭ جاۋقازىندارىن الەمگە پاش ەتۋدىڭ اسا ماڭىزدى ەكەنىن مالىمدەدى. وسى رەتتە، ەلشى م.مەڭىلبەكوۆ مەملەكەت باسشىسى قاسىم-جومارت توقاەۆتىڭ "اباي جانە ءححى عاسىرداعى قازاقستان" اتتى ماقالاسىنا توقتالىپ، "جاڭا قوعامنىڭ جاناشىرى، الەمدىك مادەنيەتتىڭ تۇلعاسى بولىپ تابىلاتىن ۇلى اقىن اباي قۇنانباي ۇلىن ەلىمىزدىڭ برەندى رەتىندە حالىقارالىق قوعامداستىققا كەڭىنەن تانىستىرۋ – ء بىزدىڭ مارتەبەلى دە جاۋاپتى مىندەتىمىز"، دەپ اتاپ ءوتتى.

1

"اباي" مادەني-تانىمدىق زالىندا وقىرماندار اقىننىڭ ءومىرى مەن شىعارماشىلىعىنا ارنالعان قازاق، اراب جانە اعىلشىن تىلدەرىندەگى تۋىندىلارمەن تانىسا الادى. سونىمەن قاتار اتالعان زال قازاقستان مەن امىرلىكتەر اراسىنداعى مادەني ىنتىماقتاستىق ماسەلەلەرىنە ارنالعان عىلىمي باعىتتاعى ءتۇرلى جيىنداردى، ءباسپاسوز كونفەرەنتسيالارى مەن باسقا دا رەسمي ءىس-شارالاردى ۇيىمداستىرۋ ماقساتىندا قولدانىلادى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار