سپورت • 24 قىركۇيەك، 2020

قارت قۇرلىقتىڭ ەڭ ۇزدىك فۋتبولشىسى 1 قازاندا انىقتالادى

18 رەت كورسەتىلدى

ۋەفا ءوزىنىڭ رەسمي سايتىندا 2019/20 جىلعى فۋتبول ماۋسىمنىڭ ەڭ ۇزدىك ويىنشىسى اتاعىنان ۇمىتكەر ءۇش ەسىمدى اتادى. ولار – كەۆين دە بريۋينە، روبەرت لەۆاندوۆسكي جانە مانۋەل نويەر.

جوعارىدا ەسىمدەرى اتالعان ويىنشىلاردىڭ بارلىعى دا الەمدىك فۋتبول تاريحىندا وزىندىك ءىز قالدىرعانىنا ەشكىمنىڭ داۋى جوق. ماسەلەن، 29 جاستاعى بەلگيا ۇلتتىق قۇراماسىنىڭ جارتىلاي قورعاۋشىسى كەۆين دە بريۋينە 2005 جىلدان بەرى انگليا پرەمەر-ليگاسىندا «مانچەستەر ءسيتيدىڭ» ساپىندا ونەر كورسەتۋدە. وتكەن ماۋسىمدا ول 35 رەت جاسىل الاڭعا شىعىپ، 15 گولدىڭ اۆتورى اتاندى. 21 رەت ءوز ارىپتەستەرىنە ناتيجەلى پاس بەردى. 

32 جاستاعى پولشالىق روبەرت لەۆاندوۆسكي مەن 34 جاستاعى نەمىس مانۋەل نويەر ۇزاق جىلدار بويى «باۆاريانىڭ» نامىسىن قورعاۋدا. العاشقىسى – شابۋىلشى، ەكىنشىسى – قاقپاشى. لەۆاندوۆسكي بىلتىرعى ماۋسىمداعى 31 ويىندا 34 رەت قارسىلاستار قاقپاسىن ءدال كوزدەدى. ال نويەر تالاي ماڭىزدى ماتچتاردا نەبىر جويقىن سوققىلاردى كەرى قايتارىپ، ءوزىنىڭ الەمدەگى ەڭ ۇزدىك قاقپاشىلاردىڭ ءبىرى ءارى بىرەگەيى ەكەنىن سان مارتە دالەلدەدى.

 

بىلتىر بۇل اتاقتى نيدەرلاند ۇلتتىق قۇراماسى مەن انگليانىڭ «ليۆەرپۋل» كلۋبىنىڭ تاسقامال قورعاۋشىسى ۆيردجيل ۆان دەيك يەلەنگەن بولاتىن. ال بيىلعى جىلدىڭ ۇزدىگى 1 قازاندا انىقتالادى.  

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار