قوعام • 24 قىركۇيەك، 2020

الماتىنىڭ “شىعىس قاقپاسىنداعى” جولايرىق مىڭداعان ادامنىڭ ساپارىن جەڭىلدەتەدى

20 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ جۇمىس ساپارى بارىسىندا قۇلجا تاس جولىنىڭ بۇقتىرما كوشەسىمەن قيىلىسقان تۇسىندا سالىنىپ جاتقان جولايرىعىنىڭ قۇرىلىسىن تەكسەردى، دەپ حابارلايدى Egemen.kz.

«قۇلجا تاس جولىنىڭ بۇقتىرما كوشەسىمەن قيىلىسقان تۇسىندا قالانىڭ «شىعىس قاقپاسى» جانىنداعى قوزعالىستى جەڭىلدەتەتىن كولىك ايرىعى سالىنۋدا. قالا تۇرعىندارىنا «اۋەجاي اينالما جولى» رەتىندە تانىس بۇل ايماقتا كولىك ءنوپىرى سەيىلمەي تۇر»، – دەپ جازدى قالا اكىمى ءوزىنىڭ Instagram-داعى پاراقشاسىندا.

شاھار باسشىسىنىڭ مالىمەتىنشە، جوباعا سايكەس مۇندا ءتورت جانە التى جولاقتى قوزعالىسپەن جۇرەتىن زاماناۋي ءارى كوپدەڭگەيلى جول وتكەلى سالىنادى. قۇلجا تاس جولى بويىنداعى ەستاكادانىڭ ۇزىندىعى 784 شاقىرىم، بۇقتىرما كوشەسىندەگى تۋننەلدىڭ ۇزىندىعى 570 شاقىرىم. اۋماقتىڭ اينالاسىن اباتتاندىرۋ ءۇشىن 750 اعاش وتىرعىزىلادى.

«جوسپار بويىنشا كەلەسى جىلدىڭ سوڭىنا قاراي پايدالانۋعا بەرىلگەننەن كەيىن بۇقتىرما كوشەسىنىڭ وتكىزۋ قابىلەتى 30%-عا، ال قۇلجا تراكتىسى بويىنشا 15%-عا وسەدى. جالپى بۇل جولايرىعى تۇركسىب اۋدانى مەن قالا ماڭىنداعى ەلدى-مەكەندەردىڭ 350 مىڭعا جۋىق تۇرعىنىنىڭ ءجۇرىپ-تۇرۋىنا قولايلى جاعداي تۋعىزباق»، - دەپ اتاپ ءوتتى ب. ساعىنتاەۆ.

ەسكە سالساق، قازىرگى كەزدە الماتىدا سەيفۋللين داڭعىلى – جانسۇگىروۆ كوشەسىنىڭ جانە رىسقۇلوۆ داڭعىلى – ەمتسوۆ كوشەسىنىڭ قيىلىستارىندا تاعى ەكى كولىك جولايرىقتارى سالىنىپ جاتىر. ولاردىڭ قۇرىلىسىن 2021 جىلدىڭ سوڭىندا اياقتاۋ جوسپارلانعان.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار