ايماقتار • 24 قىركۇيەك، 2020

پاۆلوداردا 82 جاستاعى زاعيپ زەينەتكەر مايدان كەزىنەن توقىما توقيدى

10 رەت كورسەتىلدى

بالا كەزىندە توعىز جاسىندا قاتتى ناۋقاستانعاننان كەيىن قوس جانارى مۇلدەم كورمەي قالعان. دەسە دە،  قاريا  ءالى كۇنگە دەيىن سالاۋاتتى ءومىر سالتىن ۇستانادى، دەپ حابارلايدى Egemen.kz رavlodarnews.kz سايتىنا سىلتەمە جاساپ.

"تاعدىردىڭ جازۋىمەن بالالىق شاعىمنان كورۋ قابىلەتىمنەن ايىرىلدىم. بىراق تا ەش  مويىمايمىن.  زەرىگىپ وتىرۋعا ۋاقىت  بولمايدى. ۇنەمى ءبىر  شارۋامەن اينالىسامىن. ىلمەكپەن، توقىما بىزبەن  قولعاپ، بايپاق توقيمىن. كوبىنەسە سىيعا تارتامىن. سوعىس كەزىندە ۇلكەن اپكەلەرىم،  انام، كورشىلەرىم مايدانعا  قولعاپ پەن ش ۇلىق توقيتىن. ول كەزدە جاسىم تورتتە بولاتىن.  سول كەزدەن-اق توقۋعا قىزىعۋشىلىق بولدى. جوقشىلىق كەزى ەدى. ارنايى ىلمەك بولمايتىن. تالدىڭ ءشيىن سىندىرىپ الىپ، سونىمەن توقۋعا تىرىساتىنمىن. سوسىن بىردە اعام سىمنان  توقىما ءبىز  جاساپ بەردى.  ءبىرىنشى رەت قۋرىشاققا توقىعانىم ەسىمدە. قيسىق-قيسىق بولىپ شىقتى. بىراق سوندا دا قويمايتىنمىن. اپكەلەرىم دە كومەكتەسىپ، دۇرىستاپ وتىراتىن"، دەيدى ول.


IMG_9200.JPG

زويا پەرفيلەۆا تەرەڭكول اۋدانىنىڭ لۆوۆكا اۋىلىندا دۇنيەگە كەلگەن. 23 جاسىندا پاۆلودارعا زاعيپتار قوعامىنا  جۇمىسقا تۇرىپ، كەشكى مەكتەپتە  ءبىلىم العان. 

"3-سىنىپتى اۋىل مەكتەبىن بىتىرگەن سوڭ 4-سىنىپتى ۇيدەن وقىدىم. بالالىق شاعىمدا كوپ اۋىراتىن ەدىم.  جانارىمنىڭ كورمەي قالۋىنا قىزىلشا اۋرۋى دا اسەر ەتتى.  تۇرمىس قۇرىپ، ەكى بالا ءسۇيدىم. جولداسىممەن 36 جىل تاتۋ-ءتاتتى ءومىر سۇردىك. ءۇيدى ءوزىم جيناپ، تاعام دايىندايمىن.  وتباسىمىز ۇلكەن. بارلىعى كەلىپ تۇرادى. بالالاردىڭ ءوز وتباسىلارى بار"، دەيدى  قالا تۇرعىنى.


IMG_9206.JPG

بۇگىندە شوبەرە ءسۇيىپ وتىرعان زەينەتكەردىڭ ۇلكەن  نەمەرەسى 30 جاستا. قىزى 53-تە بولسا، ۇلى 51-دە. 

IMG_9196.JPG

"توقىماعا قاجەتتى جىپتەردىڭ ءتۇسىن برايل جۇيەسى ارقىلى تاڭداپ الامىن. اپتاسىنا ەكى رەت زاعيپتارعا ارنالعان كىتاپحاناعا بارامىن. ول جەردە كومپيۋتەردى مەڭگەردىم. ساۋىقتىرۋ جانە وڭالتۋ ورتالىعىنا بارىپ تۇرامىن. ءتۇرلى جاتتىعۋلار جاسايمىن. سونداي-اق گۇل وسىرۋمەن اينالىسامىن. ەڭسەمدى تۇسىرمەيمىن. ءار كۇندى بوس وتىرماي، پايدالى وتكىزۋگە تىرىسامىن"، دەيدى زويا پەرفيلەۆا.

سوڭعى جاڭالىقتار

ۇقساس جاڭالىقتار