رۋحانيات • 24 قىركۇيەك، 2020

انتاليادا اباي ساياباعى اشىلدى

82 رەت كورسەتىلدى

اباي قۇنانباي ۇلىنىڭ 175 جىلدىعىن مەرەكەلەۋ اياسىندا قازاقستاننىڭ تۇركياداعى ەلشىلىگىنىڭ باستاماسىمەن قازاق حالقىنىڭ ۇلى اقىنى ءھام ويشىلى اباي قۇنانباي ۇلىنىڭ قۇرمەتىنە ساياباق پەن ەسكەرتكىش تاقتانىڭ اشىلۋ ءراسىمى ءوتتى، دەپ حابارلايدى Egemen.kz 

ءراسىم بارىسىندا ەلشى ابزال ساپاربەك ۇلى ساياباقتىڭ اشىلۋىنا قولداۋ كورسەتكەنى ءۇشىن باۋىرلاس تۇركيا مەملەكەتىنە ءوز العىسىن ءبىلدىرىپ، حالىقارالىق دەڭگەيدەگى وسىنداي ءىس-شارالار الداعى ۋاقىتتا دا ەكى ەل اراسىنداعى ىنتىماقتاستىقتى ودان ءارى نىعايتۋعا ىقپال ەتەتىنىنە سەنىم ءبىلدىردى.

ءىس-شارادا كونتسەرتتىك باعدارلاما ۇيىمداستىرىلىپ، حاكىم ابايدىڭ ولەڭدەرى وقىلىپ، اندەرى شىرقالدى.

ۇلى اقىن مۇراسىنىڭ باۋىرلاس ەلدە ەرەكشە دارىپتەلىپ جاتقانىنا ريزاشىلىعىن بىلدىرگەن ا.ساپاربەك ۇلى، قازاقستان پرەزيدەنتى قاسىم-جومارت توقاەۆتىڭ وسى جىلى جارىق كورگەن ماقالاسىنداعى "قازىر ايتىپ جۇرگەن ينتەللەكتۋالدى ۇلت قالىپتاستىرۋ يدەياسى ابايدان باستاۋ الدى دەۋگە بولادى. ۇلى ويشىل ءار سوزىمەن ۇلتتىڭ ورەسىن ءوسىرۋدى كوزدەدى"، دەگەن سوزدەرىن نازارعا الدى.

1

اشىلۋ راسىمىندە ءسوز سويلەگەن انتاليا قالاسى مۇراتپاشا اۋدانىنىڭ مەرى ءۇمىت ءۇيسال، ساياباققا اباي قۇنانباي ۇلىنىڭ ەسىمىن بەرۋ قازاق جانە تۇرىك حالىقتارىنىڭ رۋحاني ءارى مادەني جاقىندىعىن كورسەتەتىن ماڭىزدى ءىس-شارا ەكەنىن اتاپ ءوتتى. "اباي ەسىمى تۇركى الەمىن بىرلىكتە ۇستايتىن ۇلى ەسىمدەردىڭ ءبىرى" ەكەنىن ايتا وتىرىپ، ەكى ەل اراسىنداعى بىرلىك پەن ىنتىماقتاستىققا وزىندىك ۇلەس قوساتىنىن جەتكىزدى.

1

اباي قۇنانباي ۇلى ساياباعىندا ەسكەرتكىش تاقتانىڭ اشىلۋىنا انتاليا قالاسى مۇراتپاشا اۋدانىنىڭ مەرى ءۇمىت ۋيسال، ەلدىڭ ساياسي جانە قوعامدىق قايراتكەرلەرى، قازاقستان جانە ەۋرازيا حالىقتارىنىڭ دوستىق پەن مادەنيەت قاۋىمداستىعىنىڭ ءتورايىمى جانە ونىڭ مۇشەلەرى، جەرگىلىكتى قازاق دياسپوراسى، قوناقتار مەن باق وكىلدەرى قاتىستى.

سوڭعى جاڭالىقتار

ۇقساس جاڭالىقتار