ونەر • 24 قىركۇيەك، 2020

ونەردىڭ ەگىز ءورىمى

19 رەت كورسەتىلدى

ءاليا مەن ءاسيا ماڭعىستاۋ اۋدانى شايىر اۋىلىندا تۇرادى. سۋرەت الەمىنىڭ قىر سىرىن مەڭگەرگەن ەگىز قىزدار كەز كەلگەن سۋرەتكە ء«تىل» ءبىتىرىپ، مىنەز بەرەدى. ولاردىڭ كوپتەگەن تۋىندىلارى وبلىس كولەمىندە جۇلدەلى ورىنداردى يەلەنگەن. بۇگىندە ەكەۋى ورال قالاسىنداعى جوعارى وقۋ ورنىنىڭ ءبىرىنشى كۋرس ستۋدەنتى.

– كىشكەنتايلارىنان تەلەديداردا كورسەتىلەتىن ءتۇرلى مۋلتفيلم كەيىپكەرلەرىن ءۇيدىڭ قابىرعاسىنا سالاتىن. سودان ءۇيدىڭ قابىرعالارى كەيىپكەرلەرگە تولا باستادى. باسىندا قىزدارىما رەنجىدىم. كەيىننەن ولاردىڭ بويىنداعى تالانتتارىن بايقادىم. ويتكەنى، سالىنعان سۋرەتتەر تۋرا مۋلتفيلمدەگىدەن اينىمايتىن. كەيىن قىزدارىمنىڭ بۇل قابىلەتتەرىن مەكتەپ مۇعالىمدەرى بايقاپ، تالاپتارىن ءارى قاراي شىڭ­داۋعا كۇش جۇمسادى. اسىرەسە مەك­تەپتىڭ كوركەم ەڭبەك ءپانىنىڭ مۇعالىمى شىنار جەڭىسقىزى كوپ كومەك كور­سەتتى، دەيدى قىزداردىڭ اناسى جۇز­باەۆا قاماجاي.

ال ۇستاز شىنار جەڭىسقىزىنىڭ ايتۋىنشا، ءاليا مەن ءاسيا ءتۇرلى جانردا سۋرەت سالادى. انيماتسيالىق، پورترەت، شىنىعا سۋرەت سالۋ، كوشىرمە سۋرەت، تاريحي، تۇرمىستىق باعىتتاعى سۋرەتتەردى قاعاز بەتىنە تۇسىرەدى.

– الياعا بىردە وبلىستىق جارىس­تا جەرەبە سۋىرعاندا وزىنە تانىس ەمەس كوميكس جانرى ءتۇستى. قازاقتىڭ باتىرلارلارىنىڭ بەينەسىن اڭىز بويىنشا بەدەرلەۋ كەرەك. بەرىل­گەن ۋاقىت ىشىندە «كەرقۇلا اتتى كەندەباي» ەرتەگىسىن ءبىر قاعازدىڭ بەتىنە ون بەس سۋرەتپەن بەينەلەپ شىعىپ، ەكىنشى ورىندى يەلەندى. وسىلايشا وزىنە تانىس تاقىرىپ بولماسا دا ەش قايمىقپاستان جارىسقا قاتىسقان 15 وقۋشىنىڭ ىشىنەن سۋىرىلىپ العا شىقتى، – دەيدى ول.

وقۋشىنىڭ قابىلەتىن تانىپ، تاربيەلەي بىلگەن اۋىل ۇستازى قوس سۋ­­رەت­شى شاكىرتىن الىسقا ۇشىردى. ولاردىڭ بولاشاعىنا ۇلكەن ۇمىتپەن قاراعان ونىڭ ەندى اۋىلداعى وزگە دە تالانتتى بالالاردىڭ قاناتىن قاتايتىپ، توماعاسىن سىپىرۋعا سەبى تيەدى دەپ ويلايمىز.

 

ماڭعىستاۋ وبلىسى

 

سوڭعى جاڭالىقتار

ۇقساس جاڭالىقتار