ءىس-شارانىڭ اشىلۋ سالتاناتىندا ۇلتتىق مۋزەي ديرەكتورىنىڭ ورىنباسارى ا.ە. قاسەنالين, قازاقستان سۋرەتشىلەر وداعىنىڭ مۇشەسى, قازاق ۇلتتىق ونەر ۋنيۆەرسيتەتى «كەسكىندەمە جانە ءمۇسىن» كافەدراسىنىڭ مەڭگەرۋشىسى م.ق. بايبوسىن, سۋرەتشى-بەزەندىرۋشى رايىمبەك ساكەنوۆ مەن ايدوس شەكەر قۇتتىقتاۋ ءسوز سويلەپ, بەينەلەۋ ونەرىندەگى زاماناۋي قۇرالداردىڭ ءبىرى پەرفومانس جانە گراففيتي جانرلارىنىڭ ماڭىزدىلىعىن اتاپ ءوتتى.
«ستريت-ارت» پەرفورمانسىندا بىرقاتار رەسپۋبليكالىق جانە حالىقارالىق بايقاۋدىڭ جەڭىمپازى رايىمبەك ساكەنوۆ پەن ايدوس شەكەر ونەر كورسەتىپ, əلەمدىك دەڭگەيدەگى ويشىل اباي قۇنانباي ۇلىنىڭ بەينەسىن سالدى. سونىمەن قاتار اتالعان ءىس-شاراعا ونەرتانۋشى ماماندار, جوعارى وقۋ ورىندارىنىڭ ستۋدەنتتەرى مەن قالا تۇرعىندارى قاتىستى. الداعى ۋاقىتتا دا قازاقستان رەسپۋبليكاسىنىڭ ۇلتتىق مۋزەيى قالا مادەنيەتىن دامىتۋ ماقساتىندا كوركەمونەر قۇرالدارى ارقىلى مۋزەي جۇمىسىن كورسەتىپ, كورەرمەنگە بەينەلەۋ ونەرىنىڭ باسقا دا تۇرلەرىن ۇسىناتىن بولادى.
