ەلىمىزدىڭ ماقتاۋلى اۋىر اتلەتيكا سالاسى ناعىز ماسقاراعا ۇشىرادى. بۇعان حالىقارالىق اۋىر اتلەتيكا فەدەراتسياسىنىڭ بيىلعى جارىستار بويىنشا دوپينگ قولدانعاندارى دالەلدەنگەن زىلتەمىرشىلەر ءتىزىمىن جاريالاعانى سەبەپ بولدى. سول تىزىمدە قازاقستاننىڭ 9 اتلەتىنىڭ اتتارى اتالدى.
ەلىمىزدىڭ ماقتاۋلى اۋىر اتلەتيكا سالاسى ناعىز ماسقاراعا ۇشىرادى. بۇعان حالىقارالىق اۋىر اتلەتيكا فەدەراتسياسىنىڭ بيىلعى جارىستار بويىنشا دوپينگ قولدانعاندارى دالەلدەنگەن زىلتەمىرشىلەر ءتىزىمىن جاريالاعانى سەبەپ بولدى. سول تىزىمدە قازاقستاننىڭ 9 اتلەتىنىڭ اتتارى اتالدى.
شەڭبەرگە كىرگەن سپورتشىلاردىڭ ءبارى 2 جىلعا بارلىق جارىستاردان شەتتەتىلەدى. بۇعان قوسا, ولار دوپينگ قولدانۋ ارقىلى جەڭىسكە جەتتى دەپ ەسەپتەلگەن سايىستاردا العان جۇلدەلەرىن تۇگەل كەرى قايتارىپ بەرەدى.
تەست جۇرگىزۋ ءناتيجەسى سپورتشىلار قاندارىنان ديگيدروحلورمەتيل-تەستوستەرون (Dehydrochloromethyl- testosterone) جانە ستانوزولول (Stanozolol) دەگەن تىيىم سالىنعان ءدارى-دارمەكتەر تاپقان. بۇلاردىڭ اراسىندا ازيانىڭ استانادا وتكەن سوڭعى چەمپيوناتىنىڭ التىن جۇلدەگەرلەرى الەكساندر زايچيكوۆ پەن الەكساندرا ابورنەۆا, ءبىشكەكتە جاسوسپىرىمدەر اراسىندا وتكەن قۇرلىق ءبىرىنشىلىگىنىڭ جەڭىمپازدارى مەن جۇلدەگەرلەرى ماكسيم لوكتينوۆ, ەربولات جولامانوۆ, اسەم سارسەكەنوۆا, عالىمبەك جۇباتقانوۆ, مايرا فايزوللاەۆا, ايدار قازوۆ بار.
ەندى بۇلاردىڭ ءبارى 2014 جىلى استانادا وتەتىن الەم چەمپيوناتىنا قاتىسا المايدى. وسى ارقىلى 2016 جىلعى ريو-دە-جانەيرو وليمپيالىق ويىندارىنا ليتسەنزيا بەرەتىن سايىستان قاعىلۋى مۇمكىن.
رۋسلان يگىلىك.
