ايماقتار • 23 قىركۇيەك، 2020

ۇرلانعان ۆەلوسيپەد ءۇش ساعات ىشىندە تابىلدى

18 رەت كورسەتىلدى

27 جاستاعى پەتروپاۆل تۇرعىنى جۇمىسىنا بارۋ جانە قالاداعى باسقا دا ءوز شارۋالارىنا ۆەلوسيپەدپەن جۇرەدى ەكەن. جاقىندا ول شۋحوۆ كوشەسىندەگى جاتاقحانانىڭ كىرەبەرىسىنە كولىگىن قالدىرىپ، جارتى ساعاتقا اتا-اناسىنا بارادى. شىققان بويدا كولىگىنىڭ جوعالعانىن بايقاپ، بىردەن جاقىن ماڭداعى ۋچاسكەلىك پوليتسيا پۋنكتىنە حابارلايدى، دەپ جازادى Egemen.kz.

ۇرلانعان كولىكتى ىزدەۋگە ءبىرىنشى پوليتسيا ءبولىمىنىڭ جەدەل ۋاكىلدەرى جۇمىلدىرىلدى. ءۇش ساعاتتىڭ ىشىندە ۆەلوسيپەد تابىلىپ، يەسىنە قايتارىلدى.

"ماعان پوليتسەيلەر حابارلاسىپ، كولىگىمنىڭ تابىلعانىن ايتتى. جىلدام تاۋىپ بەردى. ۆەلوسيپەد – قالادا ءجۇرىپ-تۇراتىن كولىگىم. مەن ءۇشىن وتە ماڭىزدى"، دەيدى ميحايل ساۆەنكوۆ.

"ۇرلىق جاساعان پەتروپاۆل قالاسىنىڭ 54 جاستاعى تۇرعىنى ۇستالدى. ۆەلوسيپەد ونىڭ جەرتولەسىنەن تابىلدى. ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە"، دەيدى ءبىرىنشى پوليتسيا ءبولىمىنىڭ باستىعى پوليتسيا پودپولكوۆنيگى تىلەگەن ءالجانوۆ.

پەتروپاۆل

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار