ەلوردا • 23 قىركۇيەك، 2020

نۇر-سۇلتاندا دەراتيزاتسيا جۇمىستارى جۇرگىزىلۋدە

10 رەت كورسەتىلدى

قازىرگى ۋاقىتتا اشىق ۋچاسكەلەردى وڭدەۋ جۇمىستارى ءجۇرىپ جاتىر، دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.

نۇر-سۇلتاندا دەراتيزاتسيا جۇمىسى 15 قىركۇيەكتە باستالدى. قورشاعان ورتانى قورعاۋ جانە تابيعاتتى پايدالانۋ باسقارماسى حابارلاعانداي، قازىرگى ۋاقىتتا وڭدەۋ جۇمىستارى اشىق جەرلەردە، ەسىل وزەنىنىڭ جايىلماسىندا، اقبۇلاق، سارىبۇلاق ارنالارىندا، زيراتتار اۋماعىندا، سۋ قويمالارىندا، سونداي-اق جاڭا نۇرلى-جول كانالى ايماعىندا جانە باسقا جەرلەردە جۇرگىزىلۋدە.

"نۇر-سۇلتان قالالىق تاۋارلار مەن قىزمەتتەرىنىڭ ساپاسىن مەن قاۋىپسىزدىگىن قامتاماسىز ەتۋ دەپارتامەنتى قىزمەتكەرلەرى مەن بيولوگتار اراسىنان جۇمىستىڭ عىلىمي ناتيجەسىن باقىلاۋ ءۇشىن جەدەل شتاب قۇرىلدى. كۇزگى تۋر جۇمىسىن وتكىزۋ كەستەسى بەكىتىلدى"، دەيدى ماماندار.

1-26 قازان ارالىعىندا دەراتيزاتسيالىق جۇمىستاردى جابىق ستانتسيالاردا، جەكە سەكتوردا، تۇرعىن اۋدانداردا، بالالار ۇيلەرىندە باستاۋ جوسپارلانۋدا. ءىس-شارالار ءۇش كەزەڭدى قامتيدى. جەكە ۇيلەردىڭ تۇرعىندارىنا كەمىرگىشتەرمەن كۇرەسۋ ءۇشىن جەم تۇرىندە تەگىن ۋلى حيميكاتتار بەرىلەدى.

"وسىعان بايلانىستى تۇرعىنداردان ۋلى حيميكاتتاردى قولدانۋ كەزىندە قىراعىلىق تانىتىپ، ولاردى بالالاردىڭ قولى جەتپەيتىن جەردە ساقتاۋدى سۇرايمىز. سونداي-اق وتكىزىلىپ جاتقان ءىس-شارالارعا تۇسىنىستىكپەن قاراپ، جۇمىسقا كەدەرگى كەلتىرمەۋدى وتىنەمىز"، دەلىنگەن حابارلامادا.

ءبىرىنشى تۋر 1-14 قازان ارالىعىندا، ەكىنشى تۋر 18-22 قازان ارالىعىندا وتەدى. ءۇشىنشى تۋر 2020 جىلدىڭ 23-26 قازان ارالىعىندا وتكىزىلەدى.

سونىمەن بىرگە ماماندار دەراتيزاتسيا جۇمىستارىنىڭ مەرزىمدەرى اۋا-رايى ناشارلاعان جاعدايدا وزگەرتىلۋى مۇمكىن ەكەنىن اتاپ ءوتتى. شارالار كەلەسى قولايلى كۇندەرگە اۋىستىرىلۋى مۇمكىن.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار