ايماقتار • 23 قىركۇيەك، 2020

قىزىلوردا وبلىسىندا جىلۋ بەرۋ ماۋسىمىنا دايىندىق جۇمىستارى جۇرگىزىلىپ جاتىر

35 رەت كورسەتىلدى

وبلىس بويىنشا تۇرعىن ۇيلەر، كاسىپورىندار مەن الەۋمەتتىك سالا نىساندارىنىڭ 2020–2021 جىلدارداعى جىلۋ بەرۋ ماۋسىمىنا دايىندىق جۇمىستارى جۇرگىزىلۋدە. بۇل تۋرالى Egemen.kz وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنا سىلتەمە جاساپ حابارلايدى.

2020 جىلى "قىزىلوردا جىلۋ ەلەكتر ورتالىعى" كاسىپورنىنا اعىمداعى جانە كۇردەلى جوندەۋ جۇرگىزۋ ماقساتىندا "نۇرلى جەر"، "جۇمىسپەن قامتۋ جول كارتاسى" مەملەكەتتىك باعدارلامالارى اياسىندا 4 ملرد تەڭگە بولىنگەن. بۇگىنگى كۇنگە جۇمىستار ورتاشا ەسەپپەن 93 پايىزعا ورىندالدى.

سونىمەن قاتار "قىزىلوردا ەلەكتر تاراتۋ توراپتارى" اكتسيونەرلىك قوعامىنىڭ جالپى 1،8 مىڭ شاقىرىم قۇرايتىن ءار ءتۇرلى كەرنەۋدەگى ەلەكتر جەلىلەرىنە جانە 233 قوسالقى ترانسفورماتورلىق ستانتسيالارىنا قايتا جاڭعىرتۋ جۇمىستارىنا ەبرر ارقىلى 2،7 ملرد. تەڭگە ءبولىندى. اتالعان جۇمىستار قازىرگى تاڭدا 76%-عا ورىندالدى.

"كازترانسگازايماق" اق-نىڭ قىزىلوردا وندىرىستىك فيليالى - الداعى جىلۋ بەرۋ ماۋسىمىنا دايىندىق جۇرگىزۋ ءۇشىن 56-دانا گرپ-مەن 242-دانا شرپ-عا اعىمداعى جوندەۋ جۇمىستارىن 100% ورىندادى.

قالا جانە اۋدان اكىمدەرى مەن بيۋدجەتتىك باعدارلاما اكىمشىلەرىنىڭ مالىمەتىنە سايكەس، جوسپارلانعان ءبىلىم، مادەنيەت، دەنساۋلىق ساقتاۋ نىساندارى مەن كىشى قازاندىقتاردىڭ جوندەۋ جۇمىستارى جوسپارعا سايكەس جۇرگىزىلۋدە.

سونىمەن قاتار وبلىس بويىنشا 19 الەۋمەتتىك نىساننىڭ جىلۋ قازاندىقتارىن گاز وتىنىنا بەيىمدەۋ جۇمىستارى تولىعىمەن اياقتالدى.

وبلىس بويىنشا بۇگىنگى كۇنى بارلىعى 1222 كوپقاباتتى تۇرعىن ءۇي بار. ونىڭ ورتالىقتاندىرىلعان جىلۋ جۇيەسىنە قوسىلعان كوپقاباتتى تۇرعىن ۇيلەردىڭ 92% جىلۋ ماۋسىمىنا دايىن.

الەۋمەتتىك سالا نىساندارىنا الداعى جىلۋ بەرۋ ماۋسىمىندا 39،6 مىڭ توننا قاتتى جانە 26 مىڭ توننا سۇيىق وتىن كەرەك، ال تۇرعىندارعا قاجەتتىلىك 163،6 مىڭ توننا قۇرايدى.

كومىر باعاسىن بىرقالىپتى جاعدايدا ۇستاۋ ءۇشىن، اكىمدىك پەن كومىردى ساتۋمەن اينالىساتىن وڭىرلىك وپەراتورلار اراسىندا مەموراندۋم جاسالدى. اتقارىلعان جۇمىستار ناتيجەسىندە كومىر وتىنىنىڭ باعاسى تۇراقتى.

جالپى قىسقا دايىندىق ماسەلەلەرى وبلىستىق شتابتىڭ تۇراقتى باقىلاۋىندا.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار