وڭتۇستىك قازاقستان • 23 قىركۇيەك، 2020

اسار شاعىناۋدانىندا 100 وتباسى جۇمىسپەن قامتىلدى

39 رەت كورسەتىلدى

قالا اكىمىنىڭ تاپسىرماسىنا سايكەس بۇگىندە مەگاپوليس اۋماعىن اباتتاندىرۋ مەن كوگالداندىرۋ ماقساتىندا جىلىجاي كەشەندەرىندە بىرجىلدىق جانە كوپ جىلدىق گۇلدەر كوشەتتەرىن وسىرۋگە نازار اۋدارىلىپ وتىر. بۇگىن اسار شاعىناۋدانىندا وتكەن جيىندا دا سالانى دامىتۋ جايى تالقىلاندى، دەپ حابارلايدى Egemen.kz

جيىنعا قالا اكىمىنىڭ ورىنباسارى ا.ساتتىباەۆ، اۋىل شارۋاشىلىعى جانە ۆەتەريناريا باسقارماسىنىڭ باسشىسى ا.قانىبەكوۆ، "جاسىل جەر" جشس-ءنىڭ ديرەكتورى ب.بايساقالوۆ، "لتد تۇرمىس" جشس-ءنىڭ ديرەكتورى ع.سادىبەكوۆ جانە "ASAR AGRO" كووپەراتيۆىنىڭ باسشىسى س.تاستانوۆ قاتىستى. تالداۋ جۇمىستارىنا سايكەس، بۇگىندە شىمكەنتتە قالانى كوگالداندىرۋ ماقساتىندا جالپى  

1،6 ملن دانا گۇل قاجەتتىلىگى انىقتالىپ وتىر. جيىندا بىرجىلدىق جانە كوپجىلدىق گۇلدەردىڭ كوشەتتەرىن ءوسىرۋ ءۇشىن جوبانى قارجىلاندىرۋمەن قامتاماسىز ەتۋگە "ASAR AGRO" كووپەراتيۆى، "جاسىل-جەر" جشس جانە "لتد تۇرمىس" جشس وكىلدەرى ىنتىماقتاستىق تۋرالى مەموراندۋمعا قول قويدى. بۇل ماقساتتا "فورۆاردتىق" ساتىپ الۋ دا كەلىسىلدى.

جوبا اياسىندا قالا اۋماعىنداعى اگروقالاشىق بولىپ سانالاتىن "اسار" شاعىناۋدانىنان 100 وتباسى جۇمىسپەن قامتىلادى.

اسار شاعىناۋدانى بۇگىندە جىلىجاي وندىرىسىنە ماماندانعان. ەندىگى رەتتە بۇل اۋماقتاعى جىلىجاي كەشەندەرىندە گۇل ءوسىرۋدى دامىتىپ، جاڭا سالانى يگەرۋگە مۇمكىندىك تۋىپ تۇر. 

جالپى، گۇل ءوسىرۋ پايداسى كوپ، تابىستى سالا. شىمكەنتتە جاڭا سالانى دامىتىپ، گۇل ەكسپورتىن ۇلعايتۋعا بارلىق مۇمكىندىك بار. بۇل سالادا باسەكەلەستىك ارتۋىنا بايلانىستى سالىق كولەمى دە ۇلعايادى. بولاشاقتا شىمكەنتتى كوكونىسپەن قاتار، كورشى ايماقتار جانە كورشى ەلدەرگە گۇل ەسپورتتايتىن الەۋەتكە جەتكىزۋ ماقساتى تۇر. ماسەلەن، نيدەرلاند ەلى گۇل ساتۋ بيزنەسىنەن جىلىنا 6 ملرد-تان استام ەۋرو پايدا تابادى ەكەن. وسىنى ەسكەرەر بولساق، بۇل سالانى شىمكەنتتە دامىتۋ بويىنشا مول پايدا تابۋعا مۇمكىندىك بار.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار