تەننيس • 23 قىركۇيەك، 2020

ءتۋرنيردى جەڭىسپەن باستادى

13 رەت كورسەتىلدى

تەننيستەن فرانتسيانىڭ ستراسبۋرگ قالاسىندا ءوتىپ جاتقان ايەلدەر ارا­سىنداعى حالىقارالىق ءتۋرنيردى جەر­لەستەرىمىز ءساتتى باستادى.

جارىستىڭ ءبىرىنشى اينالىمىندا ەلى­مىزدىڭ ءۇشىنشى راكەتكاسى زارينا دياس امە­ريكالىق كريستينا ماكحەيلمەن كەز­دەسىپ، ءۇش سەتكە سوزىلعان باسەكەدە 6:7، 7:5، 7:6 ەسەبىمەن جەڭىسكە جەتتى. دياس بۇل جەڭىسى ار­قىلى امەريكالىق تەن­نيسشىمەن جەكە كەزدەسۋ بويىنشا ەسەپ­تى تەڭەستىردى. ەندى جەرلەسىمىز كەلەسى كە­­زەڭدە جاپونيالىق ناو حي­بينومەن باق سىنايدى. ءوز كەزەگىندە ناو ءبىرىنشى كەزەڭدە امەريكالىق سلوان ست­ي­ۆەنستەن باسىم ءتۇستى.

وسى تۋرنيردە ونەر كورسەتىپ جاتقان تاعى ءبىر جەرلەسىمىز ەلەنا رىباكينا بەل­گيالىق گرەتە ميننەنمەن كەزدەسىپ، ەكى سەتتە 7:5، 6:4 ەسەبىمەن تىزە بۇكتىردى. قازاق­ستاننىڭ ءبىرىنشى راكەتكاسى كەلەسى ماتچىن فرانتسيالىق اليزە كورنەمەن وتكىزەدى. كورنە ءبىرىنشى كەزەڭدە سلوۆەنيالىق تەن­نيسشى پولونا حەرتسوگتى 6:4، 6:3 ەسەبىمەن جەڭىپ كەتتى.

سونداي-اق «رولان گارروس» (فرانتسيا) باسەكەسىنىڭ ىرىكتەۋ كەزەڭىنە قاتىسىپ جات­قان قازاقستاندىق تەننيسشى دميتري پوپكو دا جارىستى جەڭىسپەن باستادى. ىرىك­تەۋ كەزەڭىنىڭ العاشقى اينالىمىندا ول ارگەنتينالىق اندرەا كوللارينيدى 6:2، 6:1 ەسەبىمەن ۇتتى.

 

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار