وقيعا • 23 قىركۇيەك، 2020

وقۋشىلارعا كومپيۋتەر سىيلادى

27 رەت كورسەتىلدى

پاندەميا وقۋ جۇيەسىنە عانا وزگەرىس ەنگىزىپ قويماي، ۆولونتەرلىك مادەنيەتىن تاعى ءبىر ساتىعا كوتەرگەندەي. ويتكەنى توتەنشە جاعداي جاريالانعالى اق جۇرەك ازاماتتارىمىزدىڭ ىزگى ىستەرىنە تالاي ماقالا ارنالدى. جاڭا وقۋ جىلىنا «ۇلتتىق ۆولونتەرلىك جەلى» دە وزدەرىنشە قامداندى. ءبىرى مەكتەپكە ورالسا دا، رەس­پۋبليكا وقۋشىلارىنىڭ جارتىسىنان كوبى قاشىقتان وقىپ جاتقانى بەلگىلى. وسى ورايدا ۇيىم از قامتىلعان وتباسىلارعا قاشىقتان وقۋعا مۇمكىندىك جاساپ، كومپيۋتەرلەر سىيلادى.

«وسى ۋاقىتتا كوپتەگەن وتباسى قيىن جاعدايعا تاپ بولدى. البەتتە، ەشكىم پاندەميا بولارىن الدىن الا بىلگەن جوق، دەگەنمەن ەلىمىزدە بالالارىن قاجەتتى تەح­نيكامەن قامتاماسىز ەتە ال­ماي­تىن وتباسىلاردىڭ بارى انىق. ال كومپيۋتەر قازىرگى كەزدە وقۋشىلار ءۇشىن ماڭىزدى قۇ­رىل­عىعا اينالىپ وتىر. وسى ورايدا ءبىزدىڭ «ۇلتتىق ۆو­لون­تەر­لىك جەلى» «Best for kids» قو­عامدىق قورىمەن بىرلەسىپ كوپ­بالالى وتباسىلارعا كومپيۋتەرلەر سىيلادى. ون مونوبلوكتى «Kaspi Bank» اق ساتىپ الىپ بەردى، ءبىر كومپيۋتەردى ۆولونتەر بەردى. كومپيۋتەرلەر تولىعىمەن دياگنوستيكادان وتكىزىلدى، پايدالانۋعا دايىن»، دەيدى رەسپۋبليكالىق فرونت-وفيس مەنەدجەرى قۇرالاي جارقىمباەۆا.

«ۇلتتىق ۆولونتەرلىك جەلى­گە» بۇل ىستە قولعابىس ەتكەن «Best For Kids» قوعامدىق قورى بالالار ۇيلەرىندەگى جەتكىنشەكتەرى الەۋمەتتەندىرۋمەن اينالىسا­دى. وتباسىلاردى ۇلتتىق ۆولون­تەر­لىك جەلى ىرىكتەدى. ولارعا بۇعان دەيىن دە ۆولونتەرلەردەن ازىق-ت ۇلىك سەبەتتەرى تۇرىندە كومەك كورسەتىلگەن-ءدى.

ۇلتتىق ۆولونتەرلىك جەلى­نىڭ ەلىمىزدەگى ۆولونتەرلىك مادەنيە­تىن ارتتىرۋعا، بالالار­دى الەۋ­مەت­تەندىرۋگە باعىتتالعان شارالارى وسىمەن توقتاعان جوق. ۇيىم يۋنيسەف-پەن بىرلەسىپ ينكليۋزيۆتى قوعام بالالارىنىڭ قۇقىقتارى تۋرالى ۆولونتەرلەر ءۇشىن ونلاين-وقىتۋدى قولعا الدى.

ء«ار بالانىڭ ءبىلىم الۋعا قۇ­­قىلى جانە مۇمكىندىگى شەك­تەۋلى بالالار دا وسى قاتار­دا. وكىنىشتىسى، ءبىزدىڭ ەل­دە ينكليۋزيۆتى قوعام وكىلدەرى ديس­كريميناتسياعا ءجيى ۇشى­راي­دى.  ولاردىڭ الەۋ­مەت­تە­ن­ۋىنە، ءبىلىم الۋىنا جاعداي جەت­­كىلىكسىز»، دەيدى قۇرالاي جار­قىم­باەۆا.

ۆولونتەرلەرگە بۇۇ بالا­لار قورىنىڭ (يۋنيسەف) قازاقستانداعى تۇراقتى وكىلى ارتۋر ۆان ديزەن، اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كومي­تە­تىنىڭ توراعاسى ماديار قوجاح­مەت، يۋنيسەف-ءتىڭ نيۋ-يوركتەگى وكىلى ەلەانور زەيتلين، يۋنيسەف ىزگى نيەت ەلشىسى، بەلگىلى شاحماتشى دينارا سادۋاقاسوۆا، «ۇلتتىق ۆولونتەرلىك جەلى» قوعامدىق قورىنىڭ اتقارۋشى ديرەكتورى، «Birgemiz» رەسپۋبليكالىق ۆولونتەرلەر فرونت-ءوفيسىنىڭ باسشىسى تاتيانا ميرونيۋك، «بالالار قۇقىعى» باعىتىنىڭ ۇيلەستىرۋشىسى الەكساندرا كراشي­نينا، «ينكليۋزيۆتى قوعام» باعىتىنىڭ ۇيلەستىرۋشىسى ءالىبي قارامۋرزين ءدارىس وقيدى. 

«بالالار ءۇشىن تەڭ مۇمكىن­دىك­تەر قامتاماسىز ەتۋ – يۋنيسەف ءۇشىن قازاقستاندا دا، بۇكىل الەمد­ە دە ماڭىزدى مىندەتتەردىڭ ءبىرى. بۇل شارا قازاقستان 1994 جىلى قوسىلعان بالا قۇقىقتارى تۋرالى كونۆەنتسياعا سايكەس بالالاردىڭ ءومىر ءسۇرۋ، دامۋ جانە الەۋەتىن تولىق ىسكە اسىرۋ قۇقىعىن قورعاۋدى بىلدىرەدى. ءبىز تەك ونىمەن شەكتەلىپ قالماي، «باپكەرلەرگە ارنالعان ترەنينگ» رەسپۋبليكالىق مەكتەبىنىڭ جۇ­مى­­سىن قولعا الدىق. «Birgemiz» رەسپۋبليكالىق ۆولون­تەرلەر فرونت-ءوفيسىنىڭ ۇيىم­داس­تى­رۋى­مەن ىسكە قوسىل­عان جوبا ۇيلەستىرۋشىسى – «ۇلت­تىق ۆولونتەرلەر جەلىسى» قورى»، دەيدى ق.جاقسىمباەۆا. 

28 تامىزدا جۇمىسىن باس­تا­عان رەسپۋبليكالىق مەكتەپكە رەسپۋبليكا بويىنشا 43 ادام ىرىكتەلىپ الىنعان. ولار سويلەۋ مانەرىنەن باستاپ باپكەرلەرگە قاجەت باسقا دا داعدىلارىن ارتتىرادى. وقۋ باعدارلاماسىن تالداۋ، باپكەرلەرگە قويىلاتىن تالاپ-مىندەتتەرگە قاتىستى تال­قى­لاۋلار، بالالارمەن جۇمىس نەگىزدەرىنەن بولەك پراكتيكالىق ساباقتار دا وتكىزىلەدى. وقىتۋ قازاق جانە ورىس تىلدەرىندە جۇر­گى­زىلىپ جاتىر.

ۇيىمداستىرۋشىلاردىڭ اي­­تۋىن­­شا، مەكتەپ جۇمىسى اياق­تال­­عاننان كەيىن باپكەرلەر اق­پا­­راتتى دۇرىس جەتكىزۋ، بالالار­مەن سويلەسۋ، ولارمەن قارىم-قا­تى­ناس قۇرۋ، كوپشىلىك الدىندا سويلەۋ، جەكە وقۋ باعدارلاماسىن قۇرۋ سياقتى داعدىلاردى مەڭ­گەرىپ شىعادى. سونىمەن قا­تار العاشقى 43 قاتىسۋشى ۇيرەن­گەن­دەرىن ءوز وڭىرلەرىندەگى باپكەرلەرگە دە ۇيرەتەدى دەگەن جوس­پار بار.

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار