قوعام • 23 قىركۇيەك، 2020

ىزگىلىكتى ىسكە جۇمىلعاندار

22 رەت كورسەتىلدى

بۇگىندە قانداي شارۋانىڭ باسى-قاسىنان ەرىكتىلەردى كەزدەستىرۋگە بولادى. ۇلكەن كۇشكە اينالىپ ۇلگەرگەن ولاردىڭ قاتارى كۇننەن-كۇنگە كوبەيىپ كەلەدى، وعان قاراپ حالىققا كومەك قولىن سوزۋعا قۇشتار وتانداستاردىڭ، اسىرەسە جاستاردىڭ كوپ ەكەندىگىن اڭعاراسىڭ، اڭعاراسىڭ دا قۋاناسىڭ.

ماڭعىستاۋداعى ەرىكتىلەر تۋرالى ءسوز قوزعاعاندا الدىمەن اۋىز­عا ىلىگەتىندەردىڭ ءبىرى – ماڭ­عىستاۋ وبلىسىنىڭ ۆولون­تەر­لەر كورپۋسى. جاستاردى قو­عام­دىق جۇمىستارعا تارتۋعا جانە وڭىردەگى ۆولونتەرلەردىڭ ءبىلىمى مەن داعدىلارىن دامىتۋعا اتسالىسىپ جۇرگەن ۇيىمدار قۇرا­مىن­دا قازىر 350-گە جۋىق ۆولونتەر بار.

– قۇرىلعانىنا 3 جىل بولعان باستاماشىل توپ 1000-عا جۋىق ۆولونتەردى ومىرلىك ماڭىزى بار داعدىلاردى قالىپتاستىرۋ بو­يىنشا وقىتۋدان وتكىزىپ، 2 توننا گۋمانيتارلىق جۇك جي­نال­عان «شىعىسقا كومەك»، 4 توننا گۋمانيتارلىق جۇك جي­نا­عان «ارىسقا كومەك» جانە 3 توننا گۋمانيتارلىق جۇك جي­ناعان «ماقتاارالعا كومەك» اكتسيا­سى­نىڭ ۇيىمداستىرۋشىسى بولدى. ماڭعىستاۋ وبلىسىنىڭ ۆو­­لونتەرلەر كورپۋسى اقتاۋ قا­لا­­­سىنداعى 382 وتباسىعا الەۋ­مەت­تىك كومەك ۇسىندى. سونىمەن قاتار قالاداعى مۇمكىندىگى شەك­تەۋ­لى جانە جالعىزباستى ازا­­ماتتاردىڭ وتىنىشتەرىنە شۇ­عىل الەۋمەتتىك كومەك كورسەتۋ ماق­ساتىندا وپەراتيۆتى شتاب جاساقتالىپ، ناتيجەسىندە اتال­عان كومەككە مۇقتاج 89 ازامات تۇ­راقتى تۇردە ادرەستىك كو­مەك الۋدا، دەيدى جاس تا بولسا باس بولىپ، تالاي ىزگى شارا­لا­ردىڭ ۇيىتقىسى بولىپ جۇر­گەن ماڭ­عىس­تاۋ وبلىسىنىڭ ۆولونتەرلەر كور­پۋسىنىڭ جەتەك­شىسى مۇقاش ورالباي.

ەل اۋزىندا ء«بىزدىڭ مۇقاش» اتانعان جىگىتتىڭ ەرىكتى جولداستارى وڭىردەگى قانداي جاعدايلاردا دا الدىڭعى قاتاردان تابىلادى. ناۋرىز ايىنان باستالعان ىندەت سالدارىنان ەنگىزىلگەن توتەنشە جاعداي كەزىندە اتالعان كورپۋستا وپەراتيۆتى قىزمەت كورسەتەتىن قۇرامىندا 15 ۆولونتەر بار ۆولونتەرلىك شتاب قۇرىلىپ نەگىزگى ءۇش باعىتتا جۇمىس اتقاردى.

ازاماتتاردى توتەنشە جاع­داي كەزىندەگى قاۋىپسىزدىك ەرە­جە­لەرى مەن ءىس-قيمىلدارى، كورو­ناۆيرۋستان قورعانۋ تۋرالى اقپاراتتاندىرىپ، قالا تۇر­عىن­دا­رىنا ارنالعان اقپاراتتىق ينفوگرافيكا ازىرلەۋ جانە ونى تاراتۋ، سونداي-اق ماسكا تىگۋشىلەر تۋرالى، جەتكىزۋ قىزمەتى بار مەيرامحانالار مەن ءدارىحانالار تۋرالى اقپاراتتارمەن قۇلاق­تان­دىرۋ جۇمىستارىمەن اينالىستى. اقپاراتتىق جۇمىس باعىتىندا قالا تۇرعىندارىنا 1000-نان اسا جادىناما تاراتىپ، ايالدامالار مەن اقپاراتتىق تۋمبالارعا، تۇرعىندار كوپ شو­عىر­لانعان ورىنداردا 300-گە جۋىق اقپاراتتىق بەتشە جاپسىردى. تۇرعىندارعا ادرەستىك كومەك بەرۋدى نازاردا ۇستاعان ولار ەلىمىزدە توتەنشە جاعداي رەجىمى ەنگىزىلگەننەن 3 ساۋىرگە دەيىن 17 ازاماتقا ادرەستىك كومەك كورسەتتى.

ەرىكتى جاستار وڭىردە ارنا­يى شەكتەۋلەر قويىلىپ، كەيىن كارانتينگە جابىلعاننان باستاپ، ءۇي كارانتينىندە جاتقان ازاماتتارمەن بايلانىس ورناتتى. رەسپۋبليكالىق كوروناۆيرۋسقا قاتىستى ساۋالدار بويىنشا بايلانىس ورتالىعىنىڭ وپەراتورلارىنا بايلانىس نومىرلەرى بەرىلىپ، بايلانىسقان ازاماتتاردى ماسەلەلەردىڭ وزەكتىلىگىنە بايلانىستى اۋدان جانە قالا call-ورتالىقتارىمەن بايلانىس­تى­رۋدى جولعا قويىپ وتىردى. ۆولونتەرلەر Nur Otan پار­تياسىنىڭ «Birgemiz» اكتسيا­سىندا كورسەتىلىپ جاتقان الەۋ­مەت­تىك كومەكتى ازاماتتارعا جەت­كىزۋ جۇمىستارىنا جۇمىل­دى­­­رىلعان، ماڭعىستاۋ وبلى­سى­­نىڭ ۆولونتەرلەر كورپۋسى ۆولونتەرلەرىنىڭ كومەگىمەن 104 ازاماتقا الەۋمەتتىك كومەك كور­سە­تىلدى.

سونداي-اق م.ورالباي جەتەك­شى­لىك ەتەتىن كورپۋس ەرىكتىلەرى ماڭعىستاۋ وبلىسىندا جۇزەگە اسىرىلاتىن «بىرگەمىز: ءبىلىم» جوبا­سىنا ۆولونتەرلىك قولداۋ كور­سەتۋدەن قالىس قالعان جوق. ايماقتا ءساۋىر ايىنان باستاپ احمەت بايتۇرسىن ۇلى ءبىلىم اكادەمياسىنىڭ ۇيىم­داس­تى­رۋى­مەن «بىرگەمىز: ءبىلىم» جوباسى باعىتتارىنىڭ ءبىرى – اۋىلدىق جەردەگى الەۋمەتتىك جاعىنان وسال توپقا جاتاتىن مەكتەپ ءبىتىرۋشى تۇلەك­تەرگە ارنالعان ۇبت-عا دايار­لىق كۋرسى باستاۋ العان بولاتىن. اتالعان كۋرسقا وبلىس كولەمىندە 200 وقۋشى ىرىكتەلىپ الىندى. جوبانى جۇزەگە اسىرۋعا ۆولونتەرلەر كورپۋسىنىڭ 20 ۆولونتەرى بەلسەندى اتسالىسىپ، ولار وقۋشىلاردىڭ ءۇي تاپسىرماسىن ۋاقتىلى ورىنداۋىن قاداعالادى، مەنتورلىق قولداۋ كورسەتىپ، ءارى بوس ۋاقىتىن ءتيىمدى وتكىزۋ­گە باعىتتالعان جۇمىس­تار­دى اتقاردى.

– ماڭعىستاۋ وبلىسىنىڭ ۆولونتەرلەر كورپۋسىنىڭ پاندەميا كەزىندەگى ەرەن ەڭبەگى – ۆو­لون­تەرلەردىڭ ماۋسىم-شىل­دە ايى ارالىعىندا اقتاۋ قالاسىنداعى پروۆيزورلىق ستانتسيوناردا ەرىكتى تۇردە قىزمەت اتقارۋى. ماڭعىستاۋ وبلىسىنىڭ ۆولونتەرلەر كورپۋسى ۆولونتەرلەرى ءبىر اي كولەمىندە وتباسىلارىنان جىراقتا ىندەتپەن بەتپە-بەت كۇرەسۋگە اتسالىستى. ولار پروۆيزورلىق ستانتسيونارداعى مەديتسينا ماماندارىنىڭ سەنىم­د­ى سەرىگى، ناۋقاستاردىڭ كو­­مەك­شى­سى بولا ءبىلدى. مەن مۇنى ماق­تانىشپەن ايتا الامىن. جاس­تار­دىڭ ەلگە پايدالى جۇ­مىس ىستەپ، بەلسەندى كۇشكە اينال­عانىنا ءوزىمىز دە قۋانامىز، وڭىرى­مىزدەگى اعا بۋىن وكىلدەرى دە ريزاشىلىقپەن العىس ايتۋدا. وزگەگە قول ۇشىن سوزىپ، مۇمكىندىگىنشە قول­عا­بىس جاسا­عان­عا نە جەت­سىن؟! بۇل – ەكى جاق­تى، ياعني كو­مەك الۋشى­نى دا، كومەك بەرۋ­شىنى دە قانات­تان­دى­رىپ، مەرەي­لەن­دى­رە­تىن ءىس دەپ سانايمىن. ءبىزدىڭ جىگىتتەر مەن قىزدار ءالى تالاي ءىستى جوسپارلاپ وتىرمىز، قانداي كەزدە دە ەل ورتاسىنان تابىلا بەرەمىز، باستىسى – ەلىمىز امان بولسىن، تىنىشتىق بولسىن، – دەيدى مۇقاش ورالباي.

«جاس كەلسە – ىسكە» دەيدى حال­قى­مىز. حالىقتىڭ وسى ءبىر ادەمى دە تاعىلىمدى ناقىل ءسوزىنىڭ اقيقاتىن تانىتىپ جۇرگەندەي كۇردەلى ىستەردىڭ بەل ورتاسىندا جۇرەتىن وندىردەي ۇلدار مەن قىزدارعا قاراپ ريزا بولاسىڭ.

 

ماڭعىستاۋ وبلىسى

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار