مەديتسينا • 23 قىركۇيەك، 2020

تارازدا كۇردەلى وپەراتسيا جاسالدى

14 رەت كورسەتىلدى

جامبىل وبلىستىق كوپبەيىندى اۋرۋحاناسىندا العاش رەت قولتىق استى ليمفا تۇيىندەرى ارقىلى وڭ جاق كەۋدەگە كەڭەيتىلگەن سەكتورلىق رەزەكتسيا جاسايتىن بىرىڭعاي وپەراتسيا جاسالدى.

بۇل وپەراتسيانى اۋرۋحانا حيرۋرگتەرى جو­عا­رى دەڭگەيدە جۇزەگە اسىردى. وسى ۋاقىتقا دەيىن مۇنداي كۇردەلى وتا­لار تەك الماتى قا­لا­سىنداعى قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن نۇر-سۇلتان قا­لا­سىنداعى ۇلتتىق عى­لىمي ونكولوگيالىق ور­تا­لى­عىندا عانا جاسا­لا­­تىن. ەندى مۇنداي مۇم­كىن­دىك تاراز قالا­سىن­دا دا تۋىپ وتىر.

وبلىستىق دەنساۋلىق ساقتاۋ باسقارماسىنىڭ مالىمەتىنشە، تالاس اۋدانى، قاراتاۋ قالاسىنىڭ 46 جاستاعى تۇرعىنى ديسپانسەرلىك ەسەپتە «وڭ جاق ءسۇت بەزىنىڭ كار­­تسينوماسى، 2-ساتى» كلي­­نيكالىق دياگنوزىمەن تىركەلگەن. ناۋقاس اديۋ­­­ۆانتتى ەمەس حي­ميا­لىق تەراپيانىڭ ءتورت كۋرسىنان ءوتىپ، ىسىك­تە­رى­نىڭ رەگرەسسياسى 50 پا­يىزعا دەيىن جەتكەن. سوندىقتان وعان جەدەل تۇر­دە وتا جاساۋ تۋرالى شەشىم قابىلدانعان. ناتي­جەسىندە بىلىكتى دە تاجىريبەلى دارىگەرلەر قايرات تولەشەۆ پەن جاندوس سەيداحمەتوۆ ينتراوپەراتسيالىق ەكس­پرە­سس-تسيتولوگيالىق زەرت­تەۋدى قولدانا وتىرىپ، دەرتتىڭ وشاعىن الىپ تاستاعان. دارىگەرلەر بۇل وپەراتسيانىڭ ءوز ناتي­جە­سىن بەرەدى دەپ كۇتۋدە.

وبلىستىق دەنساۋلىق ساق­تاۋ باسقارماسى ءباس­پاسوز قىزمەتىنىڭ جە­تەك­­شىسى تولقىن ومىر­باە­ۆانىڭ بەرگەن مالى­مە­تىن­شە، مۇن­داي وتانىڭ باستى ەرەك­­­شەلىگى – ءسۇت بەزىن ساق­­تاۋ­عا جانە قاتەرلى ىسىكتىڭ قايتالانۋىن بول­دىر­ماۋعا باعىتتالعان. بۇرىن ونكولوگيالىق اۋرۋ­لارعا حيرۋرگيالىق ارا­لاسۋدىڭ باسقا ءتاسىلى قولدانىلاتىن بولعان. بۇل ءادىستىڭ تيىمدىلىگى – قوسىمشا اۋرۋدىڭ الدىن-الۋعا دا سەپتىگىن تي­گى­زە­تىن­دىگىندە بولىپ وتىر. وبلىستىق كوپبەيىندى اۋرۋ­حانا دارىگەرلەرىنىڭ ىزدە­نىسى مەن ۇيلەسىمدى ءارى تابىستى جۇمىسىندا تسيتولوگيالىق زەرتحانا قىزمەتكەرلەرى تاتيانا سيم مەن راديولوگيا ءبولىمىنىڭ مەڭگەرۋشىسى روزا بەگىمباەۆانىڭ زەرت­تەۋ­لەرى اسا ماڭىزدى ءرول اتقار­عان.

 

جامبىل وبلىسى

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار