تەحنولوگيا • 23 قىركۇيەك، 2020

انىقتاما سۇراسا – eGov Mobile سىلتەمەسىن جىبەرەسىز

14 رەت كورسەتىلدى

الداعى ۋاقىتتا ءتۇرلى انىقتاما اكەلۋدى تالاپ ەتكەن ورگاندارعا eGov Mobile قوسىمشاسى ارقىلى انىقتامانىڭ سىلتەمەسىن الىپ، سۇراعان جەرگە مەسسەندجەرمەن جىبەرۋگە بولادى. بۇل تۋرالى مەم­لەكەت­تىك قىزمەتتەردى كورسەتۋ ماسەلەلەرى جونىن­دە­گى ۆەدومستۆوارالىق كوميسسيانىڭ وتىرىسىندا ايتىلدى.

كوميسسيانىڭ باسقا مەم­لە­كەتتىك ورگاندارمەن بىر­لەسە وتكىزگەن كەزەكتى وتىرىسىندا انىقتامالاردى الىپ تاستاۋ ماسەلەلەرى قا­رال­دى. ۆەدومستۆوارالىق كوميسسيانىڭ توراعاسى – تسيفر­لىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءار جەردەن سۇراتاتىن انىقتامالاردى ازايتۋدىڭ وزەكتى ماسەلە ەكەنىن، وعان قاجەتتى شارالاردى جەدەل ىسكە اسىرۋ قاجەتتىگىن ايتتى.

– مەملەكەت باسشىسى جولداۋىندا ءجيى سۇرالاتىن انىقتامالار مەن مالىمەتتى قاعاز جۇزىندە راستاۋدى تا­لاپ ەتۋدىڭ كۇشىن جويۋ بو­يىنشا ناقتى مىندەت قويدى. سوندىقتان ءبىز وسى با­عىتتا جۇمىس ىستەۋىمىز كەرەك. بۇ­گىن­گە دەيىن 6 انىق­تا­ما جو­يىلدى، ونىڭ وڭ ەكو­نو­مي­كالىق ناتيجە بەرگەنىن كورىپ وتىرمىز. ءبىز ۇنەمى جاڭا تاسىلدەردى ۇسىنىپ، ۋاقىتتان قالىسپاي، پروتسەستى جىلجىتىپ، eGov Mobile مۇمكىندىكتەرىن كەڭەيتۋىمىز كەرەك، – دەپ اتاپ ءوتتى مينيستر.

جالپى، ەلىمىزدە ءتۇرلى انىقتامالار كوپ ەكەنىن مىنا ءبىر دەرەككە قاراپ-اق كوز جەتكىزۋگە بولاتىنداي. مەملەكەتتىك تىزىلىمدەگى 694 قىزمەتتىڭ 50-گە جۋىعى اقپا­راتتىق قىزمەتتەر مەن انىقتامالار ەكەن.

– ءبىز بىرقاتار مينيستر­لىك­تەردىڭ وكىلدەرىمەن كەزدەسۋلەر وتكىزدىك، ازاماتتاردان كوپ انىقتاما تالاپ ەتپەۋ ماسەلەلەرىن تالقىلادىق. سونىڭ ناتيجەسىندە بيىل  30 انىقتامانى قىسقارتۋدى ۇسىنىپ وتىرمىز. مىسا­لى، ناركولوگيالىق مەكەمەدە تىركەلمەگەنى، زەينە­تا­قى جيناقتارى تۋرالى، جۇمىس­سىز رەتىندە تىر­كەل­گە­نى تۋرالى، جىلجىمايتىن م ۇلىكتىڭ مەكەنجايلى انىق­تامالار جويىلادى. ال سوت­تالعانى نەمە­سە سوت­تال­ما­عا­نى تۋرالى انىق­تا­مانى تالاپ ەتۋ قىس­قار­تىلادى، بىراق ول شەتەلدە كورسەتۋ ءۇشىن قال­دى­رى­لادى. سونىڭ ناتي­جە­سىندە اينالىمداعى 35 ميلليوننان استام قاعاز قۇجات ازايادى، – دەدى مەملەكەتتىك كورسە­تى­لە­تىن قىزمەتتەر كومي­تەتىنىڭ توراعاسى  داۋلەت بەكمانوۆ.

قاعاز قۇجات اينالىمىن قىسقارتۋ eGov Mobile مو­بيل­دىك قوسىمشاسىنداعى جاڭا قۇرالداردى دا ازايتۋعا مۇمكىندىك بەرەدى. وسىلايشا، جاقىندا eGov Mobile-دان اقپاراتتى تىكەلەي مەسسەندجەرلەر ارقىلى جىبەرە وتى­رىپ، قوسىمشادا جەكە مالى­مەتتەردى بولىسۋگە بولادى. مىسالى، كەز كەلگەن ىڭ­عايلى جولمەن اقپاراتتى جىبەرە وتىرىپ،قوسىمشا ارقىلى مەكەنجاي دەرەگىمەن بولىسۋگە بولادى. بۇل اقپا­رات­تى تالاپ ەتۋشى مەكەمە­لەر­گە eGov Mobile-دەن سىلتەمە جىبەرە سالاسىز. باس­قا دا جەكە اقپاراتتى سولاي جىبەرۋگە بولادى. ەگەر قۇجات تالاپ ەتكەن مەكەمەگە جاقىن جەردە بولساڭىز، وندا مالىمەتتى QR كود ارقىلى دا جىبەرۋگە مۇمكىندىك جاسالادى.

تاعى ءبىر ايتا كەتەرلىگى، eGov Mobile-دان ەلەكتروندى تسيفرلى قولتاڭبانى (ەتسق) الۋ دا جەڭىلدەيدى. ول ءۇشىن بيومەتريانى سايكەس­تەن­دىرۋ­دەن ءوتىپ (جۇيە ازاماتتىڭ جەكە باسىن سكا­نەر­لەيدى)، سۇراقتارعا جاۋاپ بەرىپ، تەلەفون ءنومىرىن ەنگىزۋ قاجەت. سول كەزدە تەلەفون ءنومىرى ءموبيلدى ازاماتتار بازاسىندا تىركەلىپ، ەتسق تەلەفونعا ورناتىلادى. بۇل پروتسەسس eGov Mobile-دىڭ كومەگىمەن ەلەكتروندى ۇكىمەت پورتالىن پايدالانۋشىلاردى تىركەۋدى وڭايلاتپاق.

جيىندا ازاماتتار ەڭ كوپ سۇرايتىن مەملەكەتتىك قىزمەتتەردى وڭتايلاندىرۋ ماسەلەلەرى قارالدى. ەڭبەك جانە حالىقتى الەۋمەتتىك قور­عاۋ مينيسترلىگىنىڭ وكىل­دە­رى كوپ بالالى وتباسىنا جاردەماقى تاعايىنداۋ، بالا كەزىنەن 1-توپتاعى مۇگە­دەك­كە كۇتىم جاساۋ، ەڭبەك ەتۋ قابىلەتىنەن ايىرىلۋ جاع­­دايلارىنا تولەم­دەر تاعى باسقا قىزمەتتەر كور­سەتۋ مەرزىمدەرىن قىس­قار­­تۋ بو­يىنشا بيزنەس-پرو­تسەس­تەردى ۇسىن­دى. Smart Bridge پلات­فور­ماسىنداعى ينتەگ­را­تسيا­لىق سەرۆيستەر بويىنشا بيزنەس وكىلدەرىنىڭ ۇسىنىستار قارالدى.

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار