بىلتىر وسى كەزەڭدە اتالعان كورسەتكىش 263 ملن توننا بولسا, بيىلعى 8 ايدا 267 ملن تونناعا جەتىپ, 1,5% ءوسىم بولدى. بۇعان ەكونوميكالىق ءوسىمدى قالپىنا كەلتىرۋ جونىندەگى كەشەندى جوسپار شەڭبەرىندە ۋاقتىلى قابىلدانعان شارالار ىقپال ەتتى.
اتاپ ايتقاندا, جۇك جونەلتۋشىلەر ءۇشىن جۇكتەردى ساقتاۋ, ۆاگونداردىڭ تۇرعانى ءۇشىن الىمدار مەن تولەمدەر, سونداي-اق ايلىق وتىنىمدەر بويىنشا تيەۋ جوسپارىن ورىنداماعانى ءۇشىن سالىناتىن ايىپپۇلدار الىنىپ تاستالدى.
بۇدان باسقا, توتەنشە جاعداي كەزىندە جانە امالسىز بوس تۇرعان ۋاقىتتا جولاۋشىلاردى تاسىمالداۋشىلاردى قولداۋعا كەتكەن شىعىنداردى سۋبسيديالاۋ جانە ەڭبەكاقى تولەۋ قورىنا قاتىستى شارالار قابىلداندى.
