رۋحانيات • 23 قىركۇيەك، 2020

ەستايعا ەسكەرتكىش قويىلادى

156 رەت كورسەتىلدى

جىل سوڭىنا دەيىن پاۆلودار قالاسىندا ءانشى-كومپوزيتور، اقىن ەستاي بەركىمباي ۇلىنىڭ ەسكەرتكىشى بوي كوتەرەدى.

«قورلان» انىمەن الەمگە ايگىلى ءانشى­نىڭ الىپ ەسكەرتكىشى پاۆلودار قالا­سىنداعى ەستاي اتىنداعى مادەنيەت سا­رايىنىڭ الدىنا ورناتىلاتىن بولدى. بۇل «رۋحاني جاڭ­عىرۋ» باعدارلاماسى اياسىندا وڭىردە جۇ­­زەگە اسىرىلىپ جاتقان بىرەگەي جوبا­لاردىڭ ءبىرى.

تۋىندىنىڭ اۆتورى – استانالىق بەلگىلى ءمۇسىنشى ازات بايارلين. ونىڭ ايتۋىن­شا، ەسكەرتكىشتىڭ بيىكتىگى 3 مەتر­دەن، ال تۇعىرى 5 مەتردەن اسادى. قولادان قۇيىلاتىن تۋىندىنىڭ قازىر سوڭعى جۇ­مىستارى جاسالۋدا.

– ەستاي بەركىمباي ۇلىنىڭ قولدا بار سۋرەت­تەرىنىڭ ءبارى قارتايعان شا­عىن­دا تۇسىرىلگەن. ال ءبىز كوزىنىڭ نۇرى تايىپ، قالجىراعان قارتتىڭ بەي­نەسىن ەمەس، ونەر ءدۇلد ۇلىنىڭ جاس كەزىن مۇ­سىنگە اينالدىردىق. ول ءۇشىن ارنايى كوم­­پيۋتەرلىك باعدارلامانى پايدا­لاندىق. ياعني ەستايدىڭ سۋرەتتەرىن زاماناۋي باعدارلاماعا سالىپ، سونىڭ نەگىزىندە جاس كەزىندەگى بەينەسىن جاسادىق. مۇسىندەگى ومىرگە قۇشتار، ماحابباتتىڭ سيمۆولى، ارۋ بىتكەننىڭ ارمانى بولعان جاس ەستاي قولىنا دومبىراسىن ۇستاپ، سارىارقانىڭ توسىندە اياڭداپ كەلە جاتىر. ەستاي مەن قورلان اراسىنداعى كىرشىكسىز سەزىمنىڭ بەلگىسى – جۇزىكتى دە نازاردان تىس قالدىرعان جوقپىز. ومىرگە، قورلانعا عاشىق ەستايدىڭ بەينەسىن ۇسىنا الدىق دەپ ويلايمىن، – دەيدى ازات بايارلين.

رۋحانيات جاناشىرى قۋات ەسىمحا­نوۆتىڭ پىكىرىنشە، ەستايدىڭ جاس كەزىن بەينەلەۋ – ءمۇسىنشى تاراپىنان تىڭ شەشىم بولدى.

– ەسكەرتكىش – سۋرەت ەمەس. وكىنىشكە قا­راي، كوبىمىز ەسكەرتكىشتەن ءدال سۋرەتتەگى بەينەنى كورگىمىز كەلەدى. الايدا بۇل ءمۇسىن ونەرىنىڭ تابيعاتىنا ءتان ەمەس. سوندىقتان ەستايدىڭ قارتايعان شاعىن ەمەس، جاس كۇنىن ەسكەرتكىشكە اينالدىرۋ – وتە ورىندى. ونسىز دا بىزدەگى ەسكەرت­كىشتەردىڭ ءبارى «قارتايىپ» بارادى. اۆتور ومىرگە، قورلانعا عاشىق ەستايدىڭ وبرا­زىن اشا بىلگەن دەپ ەسەپتەيمىن. دەسە دە ەرتەڭ ەسكەرت­كىشكە قاتىستى «ەستايعا ۇق­سامايدى عوي» دەپ پىكىر ايتۋشىلار ءسوزسىز تابىلادى. ولارعا اسا ءمان بەرۋدىڭ قا­جەتى جوق دەپ ويلايمىن. جالپى، ەسكەرت­كىش ونەردى باعالايتىن جانداردىڭ كوڭى­لىنەن شىعادى دەگەن ۇمىتتەمىن، – دەدى ءمۇ­سىنشىنىڭ شەبەرحاناسىنداعى بولا­شاق ءمۇسىندى تاماشالاپ كورگەن قۋات ەسىمحانوۆ.

ونەر مايتالمانى، قازاقستاننىڭ ەڭبەك سىڭىرگەن ءارتىسى شاحيماردان ءابى­لوۆتىڭ ايتۋىنشا، اۆتور ءمۇسىن ارقىلى ەستايدىڭ وبرازىن ءدال بەرگەن.

– مۇسىنشىگە ايتىلعان ءىرىلى-ۇساقتى كەم­شىلىكتەر كوڭىلدەگىدەي رەتتەلىپ، پرو­تسەستىڭ ءبارى ويداعىداي اياقتالسا، ەستاي ەس­كەرتكىشى شەتەلدىكتەرگە ۇيالماي كورسەتەتىن ەرەكشە دۇنيەگە اينالادى. سەبەبى شەتەل حالقى ەستايدى ماحابباتتىڭ سيمۆولى رەتىندە قابىلداپ ءجۇر. ال ەرتەڭ-اق تۇعىرىنا قونار ەسكەرتكىشتەن ماحاببات تا، ەركىندىك تە، دارقاندىق تا سەزىلىپ تۇر، – دەيدى شاحيماردان ءابىلوۆ.

ءمۇسىنشى ازات بايارلين ەستايدىڭ تۋعان نەمەرەلەرى زەكەن جانە سارىتورعاي اپا­لاردىڭ بولاشاق ەسكەرتكىشپەن تانىسىپ شىققانىن جەتكىزدى. ايتۋىنشا، ولار ونەر ءدۇلد ۇلىنىڭ جالپى وبرازىن جاقسى قابىلداپ، بەت-بەينەسىنە قاتىستى كەمشىلىكتەر ايتقان. ولاردىڭ ءبارى رەت­تەلىپ، ءتيىستى مەكەمەلەرمەن كەلىسىلگەن سوڭ، جاقىن كۇندەرى ەسكەرتكىشتى قۇيۋ پروتسەسى باستالماق.

ەسكە سالا كەتەيىك، ەستايدىڭ قولا ءمۇ­سى­نىن قالىپتاپ جاتقان ازات بايارلين – نۇر-سۇلتانداعى ساكەن سەيفۋلين، وم­بى قالاسىنداعى شوقان ءۋاليحانوۆ ەسكەرت­كىش­تەرىنىڭ اۆتورى. بۇدان بو­لەك ماعجان جۇ­ماباەۆتىڭ، تۇرار رىس­قۇلوۆتىڭ، قانىش سات­باەۆتىڭ ەسكەرتكىشتەرىن جاساعان.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار