ايماقتار • 22 قىركۇيەك، 2020

"شاڭىراق" باعدارلاماسى بويىنشا قۇجات قابىلداۋدىڭ ەكىنشى كەزەڭى باستالدى

214 رەت كورسەتىلدى

بۇل تۋرالى مو قوعامدىق كوممۋنيكاتسيا ورتالىعىندا وتكەن بريفينگتە "تۇرعىن ءۇي قۇرىلىس جيناق بانكى" اق موف ديرەكتورى مەدەت ابۋعاليەۆ ءمالىم ەتتى، دەپ حابارلايدى Egemen.kz.

"نۇرلى جەر" مەملەكەتتىك باعدارلاماسىنىڭ جاڭا باعىتتارىنىڭ ءبىرى "شاڭىراق" پيلوتتىق جوباسى. ول مەملەكەت باسشىسىنىڭ تاپسىرماسىنا سايكەس، باسپانالى بولۋدى كوزدەگەن قازاقستاندىق ازاماتتارعا جەڭىلدەتىلگەن شارتتارمەن نەسيە بەرۋ ماقساتىندا ازىرلەندى.

17-قىركۇيەكتەن باستاپ، "شاڭىراق" باعدارلاماسى بويىنشا ءوتىنىش قابىلداۋدىڭ ەكىنشى كەزەڭىن باستالدى. ەندى 1986 جىلدان 2015 جىلعا دەيىنگى ارالىقتا اكىمدىكتە ءۇي كەزەگىنە تۇرعان ازاماتتاردان ءوتىنىش قابىلداۋ باستالدى. باعدارلاماعا قاتىسۋ ءۇشىن سوڭعى التى اي ىشىندەگى وتباسىنىڭ ءار مۇشەسىنە كەلەتىن وتباسىلىق تابىستىڭ 3،1 بولىگىن قامتيدى. ياعني، 2020 جىلى وتباسىنىڭ ءار مۇشەسىنە كەلەتىن تابىس كولەمى 101 271 تەڭگەدەن اسپاۋى ءتيىس، دەدى مەدەت ابۋعاليەۆ.

باعدارلامانىڭ ءبىرىنشى كەزەڭىندە 16 810 ءوتىنىش قابىلداندى. قازىرگى ۋاقىتتا جالپى كولەمى 5 ملرد تەڭگەگە 374 نەسيەلىك ءوتىنىش ماقۇلداندى. باعدارلاما بويىنشا تۇرعىن ءۇيدى تەك جاڭادان سالىنعان ۇيلەردەن عانا الۋعا بولادى. "شاڭىراق" باعدارلاماسى بويىنشا پاتەر الۋعا بولاتىن قۇرىلىس كومپانيالارىنىڭ ءتىزىمىن جانە باعدارلاماعا قاتىسۋ تۋرالى جانە تولەم قابىلەتتىلىگىن باعالاۋ جونىندەگى وتىنىشتەرىن hcsbk.kz سايتىنان عانا جۇكتەپ الۋعا بولادى.

ايتا كەتەيىك ءوتىنىش بەرۋ مەرزىمى 2020 جىلدىڭ 17 قىركۇيەك پەن 16 قازان ارالىعىندا جۇرەدى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار