ايماقتار • 22 قىركۇيەك، 2020

اشىقتىق – قوعام دامۋىنىڭ كەپىلى

29 رەت كورسەتىلدى

قازىر پەتروپاۆلدا پوليتسيا جۇمىسىنىڭ دا اشىقتىعى قامتاماسىز ەتىلۋدە. ازاماتتاردى قۇقى مەن بوستاندىعىن قىلمىستىق قول سۇعۋشىلىقتان قورعاۋ، ادامداردىڭ قاۋىپسىز، جايلى ءومىر سۇرۋىنە جاعداي جاساۋ سياقتى ماقساتتار پوليتسيا قىزمەتكەرلەرىنىڭ جۇمىسىن جەتىلدىرە ۇيىمداستىرۋعا ەنگىزىلىپ جاتقان زاماناۋي تاسىلدەردىڭ نەگىزىن قالايدى، دەپ حابارلايدى Egemen.kz.

"سونىڭ ءبىرى - پوليتسيا مەن تۇرعىندار اراسىنداعى اشىق ديالوگقا سەپتىگىن تيگىزەتىن بەينەباقىلاۋ جۇيەسىن كەڭەيتۋ بولىپ وتىر. مەملەكەت باسشىسى قاسىم-جومارت توقاەۆ ءوزىنىڭ قازاقستان حالقىنا جولداۋىندا كۇش قۇرىلىمدارىنىڭ بولىنىستەرىندە وسىنداي رەسۋرستاردى كەڭەيتۋگە باسا نازار اۋداردى. بۇگىندە تسيفرلاندىرۋ مىندەتى - ءبىزدىڭ ۆەدومستۆونىڭ باسىمدى باعىتتارىنىڭ ءبىرى"، دەيدى سولتۇستىك قازاقستان وبلىسى پوليتسيا دەپارتامەنتىنىڭ باستىعى، پوليتسيا پولكوۆنيگى مارات تولەباەۆ.

قازىر پەتروپاۆلداعى بارلىق 13 ۋچاسكەلىك پوليتسيا پۋنكتتەرىندە كامەرالار ورناتىلعان، ولاردىڭ كومەگىمەن وسى بولىمشەلەردەگى جاعدايدى جەدەل باسقارۋ ورتالىعىنان «باقىلاۋعا» بولادى. سونداي-اق، ۆيدەونى قالالىق پوليتسيا باسشىلىعى دا كورە الادى. پوليتسيا بولىنىستەرىنىڭ بارلىق اكىمشىلىك عيماراتتارىندا كامەرالار ورناتىلعان. بارلىق 14 پاترۋلدىك اۆتوكولىككە ورناتىلعان ستاتسيونارلىق بەينەباقىلاۋ جۇيەسى دە پوليتسيانىڭ اشىقتىعىنا ىقپال ەتەدى. كوپ ۇزاماي بارلىق اۆتوپاترۋلدەردە ماشينانىڭ ىشىندەگى سويلەسۋلەردى جازاتىن قۇرىلعىلاردى ورناتۋ جوسپارلانىپ وتىر.

جىل باسىنان بەرى كوشەلەردە، قيىلىستاردا جانە الاڭداردا ورناتىلعان پەتروپاۆل قالاسى پب جەدەل باسقارۋ ورتالىعىنىڭ بەينەكامەرالارىن پايدالانۋ ارقىلى 12 مىڭعا جۋىق اكىمشىلىك قۇقىق بۇزۋشىلىق جانە قىلمىستىق قۇقىق بۇزۋشىلىقتاردى اشۋعا ىقپال ەتەتىن 122 فاكت انىقتالدى. اۋلالار مەن كىرەبەرىستەردەگى كامەرالار – پوليتسياعا تاپتىرماس كومەكشى قۇرال بولىپ وتىر. پەتروپاۆلدا ولاردىڭ سانى 2 مىڭنان اسادى. بۇل تەحنيكالىق قۇرالدار تەك زاڭ بۇزۋشىلىقتاردى انىقتاۋعا عانا ەمەس، سونىمەن بىرگە تۇرعىنداردى تارتىپكە شاقىرۋعا دا سەپتىگىن تيگىزۋدە.

سونداي-اق، بۇگىندە ءبىلىم بەرۋ نىساندارىن جەدەل باسقارۋ ورتالىعىنا قوسۋ جۇمىستارى جۇرگىزىلۋدە. قازىرگى ۋاقىتتا پەتروپاۆل قالاسى پب جبو-عا 25 ءبىلىم بەرۋ وبەكتىلەرىنىڭ بەينەباقىلاۋ كامەرالارى قوسىلعان. جىل سوڭىنا دەيىن قالاداعى بارلىق مەكتەپتەردى جەدەل باسقارۋ ورتالىعىنا قوسۋ جوسپارلانىپ وتىر.

اشىق قوعام ءتارتىپ ساقتاۋدى دا، ادامداردىڭ قۇقى مەن بوستاندىعىنىڭ اياققا باسىلماۋىن قامتاماسىز ەتۋدە دە ەڭ وزىق قۇرال ەكەندىگىن تسيفرلاندىرۋ جۇيەسى دە وسىلاي كوزگە شۇقىپ كورسەتىپ وتىر. ءبارى دە اشىق، جاريالى، الاقانداعىداي بولعاندا قوعامنىڭ دامۋىنىڭ كەدەرگىلەرى دە جويىلاتىنى ءسوزسىز.

 

پەتروپاۆل  

سوڭعى جاڭالىقتار

ۇقساس جاڭالىقتار