دوستوەۆسكيدىڭ بارلىق دەرلىك شىعارمالارى كورەي تىلىنە اۋدارىلعاندىقتان, ونى كورەياداعى ەڭ تانىمال ورىس جازۋشىسى دەپ اتاي الامىز. سوندىقتان پەتەربۋرگكە كەلگەن ءاربىر كارىس كۋزنەچنىي تۇيىق كوشەسىندەگى دوستوەۆسكي مۋزەيىنە مىندەتتى تۇردە باس سۇعادى.
مىنە, وسى ماقساتتا كورەيا رەسپۋبليكاسىنىڭ سانكت-پەتەربۋرگتەگى باس كونسۋلدىعى مۋزەيگە ارنالعان كورەي تىلىندەگى اۋديوگيد جاساۋ تۋرالى ۇسىنىس تۇسىرگەن. بۇل ۇسىنىس قولداۋ تاۋىپ, ەندى قالانىڭ كورەيلىك قوناقتارى فەدور ءميحايلوۆيچتىڭ ءومىرى مەن شىعارماشىلىعى جونىندە باياندايتىن ەكسكۋرسيانى ءوز تىلدەرىندە تاماشالاي الادى. اتالعان جوبانىڭ ديكتورى دوستوەۆسكيدىڭ تۆورچەستۆوسىن تەرەڭ بىلەتىن كورەيالىق بەلگىلى پروفەسسور سوك ەن دجۋن بولدى.
