بۇل تۋرالى ەلدىڭ ەكولوگيا ءمينيسترى ۆاراۆۋت سيلپا-ارچا مالىمدەدى.
كەلۋشىلەر ساياباققا كىرمەس بۇرىن ولار ەڭ الدىمەن مەكەنجايلارىن كورسەتۋى ءتيىس. سەبەبى قوقىستى تاستاپ كەتكەن جاعدايدا ولاردى تاۋىپ الۋ تيىمدىرەك بولماق. سونداي-اق قۇقىق بۇزىشىلارعا قاتىستى شاعىمداردى پوليتسيا وكىلدەرىنە حابارلاي الادى.
تايلاندتىڭ ەكولوگيا ءمينيسترى سيلپا-ارچا ءوزىنىڭ Facebook پاراقشاسىندا قوقىستاردى جيناستىرىپ, ولاردى ءوز يەلەرىنە جىبەرۋگە ءازىر ەكەنىن ايتتى.
ء"سىز بۇل پلاستيكالىق بوتەلكەلەر, بانكالار مەن چيپسي قاپتامالارىن حاۋي ۇلتتىق پاركىندە ۇمىتىپ كەتتىڭىز!", دەپ جازبادا كورسەتىلگەن.
سونداي-اق مينيستر كەلۋشىلەردىڭ ساياباقتى لاستاپ, سۋ ايدىندارىن بىتەپ تاستاعانى ءۇشىن زاڭناما بويىنشا بەس جىلعا دەيىن باس بوستاندىعىنان ايىرۋ نەمەسە ايىپپۇل سالىنۋى مۇمكىن ەكەندىگىن ەسكە سالدى. ۇلتتىق پارك اكىمشىلىگىنىڭ ايتۋىنشا, قوقىستىڭ قالدىقتارى جانۋارلار ءۇشىن وتە قاۋىپتى ەكەنىن جەتكىزدى.
