قازاقستان • 21 قىركۇيەك، 2020

"اتامەكەن" قر ۇكپ تورالقا توراعاسى الماتىلىق بيزنەسمەندەرمەن كەزدەسۋ وتكىزدى

8 رەت كورسەتىلدى

"اتامەكەن" قر ۇكپ تورالقا توراعاسى تيمۋر ق ۇلىباەۆتىڭ  قاتىسۋىمەن الماتى قالاسى كاسىپكەرلەر پالاتاسىنىڭ وڭىرلىك كەڭەسىنىڭ وتىرىسىندا، وڭتۇستىك استانانىڭ بيزنەسمەندەرى كاسىپكەرلىكتىڭ ەڭ وتكىر ماسەلەلەرى تۋرالى ايتىپ بەردى. تيمۋر ق ۇلىباەۆتىڭ ايتۋىنشا، مەملەكەت پاندەميا سالدارىن ەڭسەرۋ ءۇشىن 5،9 ترلن تەڭگە بولگەن، دەپ حابارلايدى Egemen.kz.

"تاجىريبە كورسەتكەندەي، كەيبىر باعدارلامالار سۇرانىسقا يە (بيزنەستە)، كەيبىرەۋلەرى تومەن. ءبىز سىزدەرمەن ۇكىمەت ءۇشىن قانداي باعدارلامالاردى كۇشەيتۋ قاجەت، قانداي باعدارلامالاردى قىسقارتۋ نەمەسە جويۋ قاجەت دەگەن ۇسىنىستاردى پىسىقتاۋىمىز كەرەك"، دەدى ول.

الماتى قالاسى كاسىپكەرلەر پالاتاسىنىڭ وڭىرلىك كەڭەسىنىڭ توراعاسى ماكسيم بارىشەۆتىڭ اقپاراتى بويىنشا، الماتى قالاسىنىڭ بيزنەس-قاۋىمداستىعى ءۇشىن بىرقاتار وزەكتى ماسەلەلەر بار. ولاردىڭ اراسىندا مەملەكەتتىك ۇيىمداردىڭ، كۆازيمەملەكەتتىك سەكتور مەن جەر قويناۋىن پايدالانۋشىلاردىڭ ساتىپ الۋ بارىسىندا تۋىندايتىن ماسەلەلەرى.

"سامۇرىق-قازىنا" ۇلتتىق ءال-اۋقات قورىنىڭ ساتىپ الۋ ءراسىمى، مەملەكەتتىك ساتىپ الۋدان تۇبەگەيلى ەرەكشەلەنەدى. "سامۇرىق-قازىنا" وكىلدەرى شارتقا قول قويىلعاننان كەيىن ساتىپ الۋدان باس تارتاتىن جاعدايلار دا بار. كاسىپكەرلەر اقشانى جۇمسايدى جانە شارتتى جۇزەگە اسىرۋ ءۇشىن نەسيە الادى، الايدا، سايىپ كەلگەندە، ەلەۋلى قارجىلىق شىعىندارعا ۇشىرايدى"، دەپ اتاپ ءوتتى ول.

شەشىم رەتىندە ول كاسىپكەرلەردىڭ «سامۇرىق-قازىنا» ۇلتتىق ءال-اۋقات قورى ساتىپ الۋشىلارىنىڭ جۇمىسىن ناقتى باعالاي الۋى ءۇشىن، "اتامەكەن" ۇكپ باقىلاۋىمەن تاپسىرىس بەرۋشىلەردىڭ باعالاۋ جۇيەسىن ەنگىزۋدى ۇسىندى.

سونىمەن قاتار، ول كەدەندىك راسىمدەۋدىڭ قىرعىزستانعا وتۋىنە اكەلىپ سوقتىراتىن تاۋارلاردىڭ جوعارى كەدەندىك قۇنى ماسەلەسىن دە ايتتى.

"ۇكپ ۇستانىمى-بۇل بيزنەستى قولداۋ، باجداردى ارتتىرۋدىڭ بولماۋى جانە باجداردىڭ اشىقتىعى. بۇعان دەيىن ءبىز مىنا ۇسىنىستاردى ايتقان بولاتىنبىز: تاۋارلاردىڭ كەدەندىك قۇنى اشىق رەجيمدە كورىنەتىن سايت قۇرۋ; قۇنى تومەنگى باعا بويىنشا وزگەرمەلىلىكسىز انىقتالاتىن بولادى; باعالىق زەرتتەۋلەردى ۇكپ جۇرگىزىپ، مەملەكەتتىك كىرىستەر باسقارماسىنا پايدالانۋعا بەرەتىندىگى"،دەدى ول.

سونداي-اق، الماتىلىق بيزنەسمەندەر بيزنەستىڭ جەكەلەگەن تۇرلەرىنە ءالى دە تىيىم سالىنۋدا دەپ شاعىمداندى، بىراق تج مەن كارانتين كەزەڭىندە ەكونوميكانىڭ نەعۇرلىم زارداپ شەككەن سالالارىنىڭ تىزبەسىندە ولار جوق. بۇل، مىسالى، مەكتەپتەردەگى اسحانالار، بوۋلينگتەر، بيليارد بولمەلەرى، كاراوكە، كومپيۋتەرلىك كلۋبتار جانە باسقالار.

ەكونوميكالىق قىزمەت تۇرلەرىنىڭ جالپى جىكتەۋشىسىنىڭ كورسەتىلگەن قىزمەت تۇرلەرى ەكونوميكانىڭ نەعۇرلىم زارداپ شەككەن سالالارىنىڭ قاتارىنا ەنگىزىلمەگەن («سالىق سالۋ ماسەلەلەرى بويىنشا» ەكونوميكانى تۇراقتاندىرۋ جونىندەگى ودان ارعى شارالار تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 16 ناۋرىزداعى № 287 جارلىعىن ىسكە اسىرۋ جونىندەگى ودان ارعى شارالار تۋرالى قازاقستان رەسپۋبليكاسى ۇكىمەتىنىڭ 2020 جىلعى 20 ساۋىردەگى № 224 قاۋلىسى).

دەمەك، ەكونوميكانىڭ وسى سالالارى مەملەكەتتەن ەڭبەك اقى قورىنا سالىقتار مەن الەۋمەتتىك تولەمدەردەن بوساتۋ تۇرىندە جەڭىلدىكتەر العان جوق.

"كاسىپكەرلەر جۇمىس ىستەي المايدى، دەمەك، قىزمەتكەرلەرگە جالاقى تولەي المايدى جانە مىندەتتى تولەمدەردى، سونىڭ ىشىندە مىندەتتى مەديتسينالىق ساقتاندىرۋ قورىنا اۋدارىمداردى تولەي المايدى. وسىعان بايلانىستى، وسى سالالاردىڭ اقى تولەنبەيتىن دەمالىسقا جىبەرىلگەن اۋىرىپ قالعان قىزمەتكەرلەرى كاسىپورىننىڭ قىزمەتىن توقتاتا تۇرۋ كەزىندە قورعا جارنالاردىڭ تولەنبەۋىنە بايلانىستى مەديتسينالىق كومەك الا المايدى. ولارعا بارلىق مەديتسينالىق قىزمەتتەرگە اقى تولەۋ ۇسىنىلادى، بىراق جۇمىس ىستەمەيتىن ادامداردا بۇل قاراجات جوق»، - دەدى "Izo-Market كم جشس باس ديرەكتورى كونستانتين بوسيكوۆ"

ساراپشىلاردىڭ ەسەپتەۋىنشە، قازىرگى ۋاقىتتا 8 000-عا جۋىق كاسىپكەر كارانتينگە بايلانىستى ءوز قىزمەتىن قالپىنا كەلتىرگەن جوق. بيزنەسمەندەر تىيىم سالۋدى جالعاستىراتىن سالالاردىڭ ەكونوميكالىق قىزمەت تۇرلەرىنىڭ جالپى جىكتەۋىشىن ەكونوميكانىڭ نەعۇرلىم زارداپ شەككەن سالالارىنىڭ قاتارىنا قوسۋدى، سونداي-اق قىزمەتكەرلەرگە جالاقى تولەۋ ءۇشىن 12 اي مەرزىمگە پايىزسىز كرەديت تۇرىندە مەملەكەتتىك قولداۋ شارالارىن قاراستىرۋدى نە جۇمىس تولىق قالپىنا كەلتىرىلگەنگە دەيىن جالاقىنىڭ ەڭ تومەنگى 1 مولشەرىندەگى جاردەماقى تولەۋدى جالعاستىرۋدى، سونداي-اق وسى كاسىپكەرلەردىڭ قىزمەتكەرلەرىن مەديتسينالىق ساقتاندىرۋدى جۇزەگە اسىرۋ بويىنشا قولداۋ شارالارىن قاراستىرۋدى ۇسىندى.


بيزنەسمەندەر جەڭىل ونەركاسىپتى قولداۋ، جەكە كوللەدجدەرگە مەملەكەتتىك تاپسىرىس بويىنشا شىعىنداردى وتەۋ، جۇمىس ورىندارىن ساقتاۋ بويىنشا شارالار، سانيتارلىق تالاپتاردىڭ ساقتالۋىن تەكسەرۋ كەزىندەگى بۇزۋشىلىقتار جانە ت.ب. ماسەلەلەردى اتاپ ءوتتى.

وتىرىستى قورىتىندىلاي كەلە، تيمۋر ق ۇلىباەۆ ايتىلعان بارلىق ماسەلەلەردىڭ نازارعا الىناتىنىن اتاپ ءوتتى.

ء"بىز ازاماتتاردىڭ دەنساۋلىعىن قورعاۋدى ەسكەرە وتىرىپ، كاسىپورىندارىمىزعا جۇمىس ىستەۋگە مۇمكىندىك بەرۋ ءۇشىن بيزنەستىڭ مۇددەلەرىن قورعايتىن بولامىز"، دەدى ول.

سوڭعى جاڭالىقتار

ۇقساس جاڭالىقتار