ايماقتار • 21 قىركۇيەك، 2020

وزدەرىن بلوگەر دەپ تانىستىرعان قىلمىستىق توپ اشكەرەلەندى

248 رەت كورسەتىلدى

تۇركىستان وبلىسىندا پوليتسەيلەر وزدەرىن بلوگەر دەپ تانىستىرىپ، حالىقتى بوپسالاعان  ۇيىمداسقان قىلمىستىق توپتى اشكەرە ەتتى، دەپ حابارلايدى Egemen.kz ايماقتىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ. 

تۇركىستان وبلىسى پوليتسيا دەپارتامەنتى باستىعىنىڭ ورىنباسارى، پوليتسيا پودپولكوۆنيگى قۇرمانبەك ساحوۆ اتاپ وتكەندەي، 4 جەرگىلىكتى تۇرعىننان تۇراتىن بۇل ۇيىمداسقان قىلمىستىق توپ 6 اي بويى جەتىساي جانە ماقتاارال اۋداندارىنىڭ اۋماعىندا جۇمىس ىستەگەن. ولار بوپسالاۋ مەن الاياقتىق ارقىلى جەكە كاسىپكەرلەر مەن قاراپايىم ازاماتتاردىڭ اقشالارىن يەمدەنگەن. جالپى العاندا، قىلمىسكەرلەر جابىرلەنۋشىلەرگە 2 ملن تەڭگەدەن استام شىعىن كەلتىرىپتى.

ولار قىزمەتىنە زاڭدىلىق بەرۋ ءۇشىن تۇتىنۋشىلاردىڭ قۇقىقتارىن قورعاۋ جانە سىبايلاس جەمقورلىققا قارسى كۇرەس تۇرىندە جالعان قوعامدىق ۇيىم اشقان. قىلمىسكەرلەر كاسىپكەرلەردىڭ كوپتەگەن ءاس-ارەكەتتەرىن كامەراعا ءتۇسىرىپ، الەۋمەتتىك جەلىلەردە ۆيدەوماتەريالداردى جاريالاۋ قاۋپىمەن ولار اقشا تالاپ ەتتى.

مىسالى، 2019 جىلى ماقتاارال اۋدانىندا كۇدىكتىلەر قۇرىلىس الاڭدارىنىڭ بىرىندە بولعان. وندا زاڭبۇزۋشىلىقتار ورىن الدى دەگەن سىلتاۋمەن قۇرىلىس فيرماسىنىڭ باسشىسىنان 500 مىڭ تەڭگە تالاپ ەتتى. تاعى ءبىر جاعدايدا وتكەن جىلدىڭ كۇزىندە سوتتالعاندار ەكولوگيانى قورعاۋ تۇرىمەن جەرگىلىكتى فيرمالاردىڭ ءبىرىنىڭ كەڭسەسىنە كەلىپ، ديرەكتوردان اي سايىن 100 مىڭ تەڭگە كولەمىندە تولەم تالاپ ەتكەن. جابىرلەنۋشى ءوز كەزەگىندە جەتىساي اپب-نە ءوتىنىش بەرىپتى.

"جاسالعان قىلمىستاردىڭ اۋىرلىعى مەن بىرەگەيلىگىن ەسكەرە وتىرىپ، تەرگەۋگە كريمينالدىق پوليتسيا قىزمەتكەرلەرى مەن وبلىستىق اپپاراتتىڭ تەرگەۋشىلەرى اۋداندىق پوليتسيا قىزمەتكەرلەرىنە كومەككە جىبەرىلدى. ياعني، ءبىز اۋداندىق جانە وبلىستىق پوليتسيانىڭ ۇزدىك قىزمەتكەرلەرىنەن ارنايى جەدەل-تەرگەۋ توبىن قۇردىق. سوتقا دەيىنگى تەرگەۋ اياسىندا بارلىق قاجەتتى جەدەل تەرگەۋ ءىس-شارالارى جۇرگىزىلدى، جەتكىلىكتى دالەلدەر جينالدى جانە اقشا اۋدارۋ كەزىندە قىلمىسكەرلەردى ۇستادى"، دەيدى پوليتسيا دەپارتامەنتىنىڭ ءباسپاسوز قىزمەتى.

 

سوڭعى جاڭالىقتار

ۇقساس جاڭالىقتار