ىندەتتىڭ قايتا ورشۋىنە جول بەرمەۋ كەرەك

قىركۇيەكتىڭ 18-ءى كۇنگى دەرەك بويىنشا ەلىمىزدە 107 134 ناۋقاس تىركەلگەن, سوڭعى تاۋلىكتە 78 ادام COVID-19 ۆيرۋ­سىن جۇقتىرعان. بۇگىندە 3835 ادام ەمدەلىپ جاتىر, 1689 ازامات قايتىس بول­دى. سونىمەن قاتار كوروناۆيرۋس ينفەك­تسياسىنىڭ 30 579 ىقتيمال جاعدايى تىر­كە­لىپ, 26 533 ادام ەمدەلدى, 337 ادام كوز جۇمدى. بۇل تۋرالى ورتالىق كوممۋنيكاتسيالار قىزمەتى الاڭىندا دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مالىمدەدى.

«14 قىركۇيەكتە coronavirus.kz سايتىندا كۆي-گە ۇقساس پنەۆمونيادان ايىق­قان 6 853 پاتسيەنت تۋرالى اقپارات جا­ريالاندى. ال 15 قىركۇيەكتە بۇل كور­سەتكەش ارتىپ, ەمدەلىپ شىققاندار 26 335 ادامدى قۇرادى. مۇنداي كۇرت ءوسۋ 1 تامىزدان 13 قىركۇيەككە دەيىن ستاتسيو­نار­لىق, امبۋلاتوريالىق دەڭگەيدە جانە ۇيدە ەمدەلگەن بارلىق پاتسيەنتتىڭ دەرە­گى مالىمەتتەر بازاسىنا ەنگىزىلۋىنە بايلا­نىستى بولدى», دەپ ب.قوجاحمەتوۆ.

بۇگىنگە دەيىن قازاقستاندا COVID-19 ۆيرۋسىن قايتا جۇقتىرعان جاعداي تىر­كەلمەگەن. كوروناۆيرۋس ينفەكتسياسىنان كەيىن كاۆاساكي سيندرومىنا ۇقساس دەرتكە دۋشار بولعان بالالاردىڭ دا جاعدايى وڭالىپ كەلە جاتىر. مۇنداي اۋرۋمەن جالپى 35 بالا اۋىرعان. سوڭعى 7 كۇننىڭ ىشىندە بىردە-بىردە ءبىر بالادا كاۆاساكي سيندرومى انىقتالعان جوق. 35 بالانىڭ 31-ءى امان-ەسەن ەمدەلىپ, ۇيىنە قايتتى. قالعان 4 بالا قازىر ەم الىپ جاتىر. ەمدەلىپ شىققان بالالار ۋچاسكەلىك دارى­گەرلەردىڭ باقىلاۋىنا الىنعان.

«جاۋ جوق دەمە, جار استىندا» دەگەن­دەي, بالەكەت ىندەتتىڭ قاۋپى ءالى سەيىلە قويعان جوق. كوروناۆيرۋستىڭ بولجالدى ەكىنشى تولقىنى بوساڭسۋعا استە بولمايتىنىن قاپەرىمىزگە سالىپ وتىر. ۆيرۋس جۇقتىرىپ, اۋرۋحاناعا تۇسكەن ناۋقاستار سانى 30 مىڭعا جەتكەندە كارانتين شارالارى قاتاڭداتىلماق.

«بۇگىندە دەنساۋلىق ساقتاۋ جۇيەسى ستاتسيونارلاردا كەز كەلگەن ساتتە كوروناۆيرۋس جۇقتىرعاندارعا 70 مىڭنان اسا توسەكتىك ورىن دايىنداي الادى. بۇل «قىزىل شەك» سانالادى. قازىر ەلىمىزدە ورتاشا ەسەپپەن 500-600 ناۋقاس انىقتالىپ جاتىر. ەگەر بۇل كورسەتكىش 30 مىڭعا جەتەتىن بولسا, وندا ەڭ قاتاڭ كارانتين شارالارىن ەنگىزۋگە تۋرا كەلەدى», دەدى مينيسترلىكتىڭ رەسمي وكىلى.

ونىڭ ايتۋىنشا, كوروناۆيرۋستىڭ ورتا­شا جانە اۋىر فورماسىمەن اۋىر­عان­داردى قامتۋ ءۇشىن ەلىمىزگە 5 مىڭ وكپەنى جاساندى جەلدەتۋ اپپا­را­­تى قا­جەت. بۇگىندە بۇل اپپاراتتار ساتىپ الى­نىپ, اۋرۋحانالارعا جەت­كى­زىل­گەن. اپ­پا­راتتاردىڭ 1,5 مىڭى قا­زاقس­تاندا جا­سالعان. ەلىمىز بويىنشا جۇق­­پالى اۋرۋ­لار اۋرۋحانالارىنىڭ, پرو­ۆي­زور­لىق ورتالىقتاردىڭ باسىم بولىگى, اۋرۋ­حا­نا­لاردىڭ بارلىعى وتتەگى كونتسەنتراتىمەن قامتاماسىز ەتىلگەن.

سونداي-اق 3,5 مىڭنان اسا ءموبيلدى بريگادا قۇرىلدى. ونىڭ باستى ماقساتى – ءبىر ساعاتتىڭ ىشىندە ناۋقاستى جا­قىن اراداعى اۋرۋحاناعا جەتكىزىپ, ال­عاش­قى مەديتسينالىق كومەك كورسەتۋ. اۋىل-ايماقتا مەديتسينالىق كومەكتىڭ قول­­­جە­تىم­دىلىگىن قامتاماسىز ەتۋ ءۇشىن 100 ارناۋلى اۆتوبۋس ساتىپ الىنىپ, ءار وڭىرگە ۇلەس­تىرىلدى. بۇعان قوسا شالعاي­دا­عى ەلدى مەكەندەردە جىلجىمالى ءدارىحانا پۋنك­تەرى ىسكە قوسىلدى.

سونىمەن قاتار بريفينگ بارىسىندا دسم تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ جۇقپالى اۋرۋلاردى ەپيدەميالىق قا­دا­عالاۋ باسقارما باسشىسى روزا قو­جا­پوۆا ىندەت جۇقتىرۋ قاۋپى كۇشەيىپ تۇر­عان شاقتا ەلدەردىڭ ساناتى جانە اۋە رەيستەرىمەن كەلەتىن جولاۋشىلار جو­نىندە ءسوز قوزعادى.

ونىڭ ايتۋىنشا, اۋە رەيستەرى بو­يىنشا وزگەرىستەر ەنگىزىلدى. ەندى ءبىرىنشى ساناتقا 12 ەل كىرەدى. بۇل قاتاردا قحر, تايلاند, موڭعوليا, مالايزيا, مىسىر, گونكونگ, وڭتۇستىك كورەيا, جاپونيا, سينگاپۋر, گەرمانيا, بەلارۋس, ازەر­­باي­جان بار. وسى ەلدەردەن كەلگەن جولاۋ­­­شىلار تەرمومەتريا مەن ساۋالداما­دان وتەدى.

ەكىنشى ساناتقا 21 ەل ەنگىزىلدى. وسى ەلدەردەن ساپارلاپ كەلگەندەر تەرمومەتريا مەن ساۋالدامادان بولەك, پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرىلگەنى تۋرالى انىقتاما ۇسىنۋى كەرەك.